შოტლანდიის ნაციონალური ზეიმისთვის ქეით მიდლტონი შოტლანდიურ კაბაში გამოეწყო
4 წუთის წინ
25 იანვარს შოტლანდიაში ნაციონალური ზეიმია. ეს გახლავთ რობერტ ბერნსის დაბადების დღე, რომელსაც მთელი ქვეყანა რიგი ღონისძიებებით აღნიშნავს. ამ დღეს შოტლანდიელებს დღესასწაული პრინცმა უილიამმა და ქეით მიდლტონმა მიულოცეს.
პარლამენტი ხვალიდან სადეპუტატო მანდატის შეწყვეტის მსურველი ოპოზიციონერების განცხადებების განხილვას იწყებს
40 წუთის წინ
პარლამენტი სადეპუტატო მანდატის შეწყვეტის მსურველი ოპოზიციონერების განცხადებების განხილვას იწყებს.
მარიამ ქვრივიშვილი: ევროსაბჭოს საპარლამენტო ასამბლეაში საქართველოს პარლამენტის დელეგაციამ კიდევ ერთხელ დააყენა საკითხი რუსეთის წინააღმდეგ მოგებულ სასამართლო დავებთან დაკავშირებით
18:13 / 26.01.2021
"ევროპის საბჭოში საქართველოს პარლამენტის დელეგაციამ კიდევ ერთხელ დააყენა საკითხი რუსეთის წინააღმდეგ მოგებულ სასამართლო დავებზე და იმ ვალდებულებებზე, რომელიც შედეგად დაეკისრა რუსეთის ფედერაციას",- ამის შესახებ ევროპის საბჭოს საპარლამენტო ასამბლეაში საქართველოს პარლამენტის მუდმივმოქმედი დელეგაციის წევრმა, მარიამ ქვრივიშვილმა განაცხადა.
მაია ცქიტიშვილი: სახელმწიფოსა და ბიზნესს გვაქვს პასუხისმგებლობა, რომ ქვეყანაში ეპიდემიოლოგიური ფონი ვმართოთ და ძალიან სწრაფად შევძლოთ ქვეყნის გახსნა
16:19 / 26.01.2021
ბიზნესთან კომუნიკაციის პროცესი მუდმივ რეჟიმში მიმდინარეობს. ტურიზმის ადმინისტრაცია, ეკონომიკის სამინისტრო, ჯანდაცვის სამინისტროს შრომის ინსპექცია, ბიზნესომბუდსმენის აპარატი მუდმივ რეჟიმში სამუშაო ჯგუფების დონეზეა ბიზნესთან მოლაპარაკებებში ჩართული, - ამის შესახებ ვიცე-პრემიერმა მაია ცქიტიშვილმა ბიზნესის წარმომადგენლებთან შეხვედრის შემდეგ მედიასთან განაცხადა.
მიხეილ ჩხენკელმა მსოფლიო ბანკის რეგიონულ დირექტორთან სამუშაო შეხვედრა გამართა
15:39 / 26.01.2021
საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა სამხრეთ კავკასიაში მსოფლიო ბანკის რეგიონულ დირექტორთან, სებასტიან მოლინეუსთან სამუშაო შეხვედრა გამართა და მასთან მიმდინარე ერთობლივი პროექტი "ინოვაცია, ინკლუზიური განათლება და ხარისხი" და განათლების ყველა მიმართულებით სამომავლო გეგმები განიხილა.

მიხეილ ჩხენკელმა მადლობა გადაუხადა სებასტიან მოლინეუსს ნაყოფიერი თანამშრომლობისთვის და აღნიშნა, რომ მსოფლიო ბანკი რამდენიმე წელია სამინისტროს ერთ-ერთი მთავარი პარტნიორი ორგანიზაციაა, რომლის მხარდაჭერით საქართველოს განათლების სისტემაში არაერთი წარმატებული პროექტი განახორციელდა.
მიხეილ ჩხენკელი: „განათლების სისტემა სრულ მზადყოფნაშია, რომ სასწავლო პროცესი სკოლებში გაგრძელდეს"
15:18 / 26.01.2021
"მინდა, საზოგადოებას კიდევ ერთხელ შევახსენო, რომ 1 თებერვალს მთელი ქვეყნის ტერიტორიაზე, გარდა თბილისის, რუსთავისა და ქუთაისის, სკოლები მუშაობას საკლასო ოთახებში გააგრძელებენ" - ამის შესახებ საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა საკოორდინაციო საბჭოს დასრულების შემდეგ განაცხადა და აღნიშნა, რომ ეს ძალიან მნიშვნელოვანია, რადგან სასწავლო პროცესისთვის, ბუნებრივი გარემო სწორედ საკლასო ოთახია. რაც შეეხება დიდი ქალაქების - თბილისის, რუსთავისა და ქუთაისის სკოლებს, მინისტრის თქმით, გეგმის მიხედვით, აღნიშნულ ქალაქებში 1 მარტს მოხდება სასწავლო პროცესის საკლასო ოთახებში გაგრძელება, თუმცა მათი გახსნა, პირდაპირ არის დაკავშირებული კონკრეტულ ეპიდსიტუაციასთან.
თენგიზ ცერცვაძის განცხადებით, მალე ამოქმედდება პროგრამა, რითაც პოსტკოვიდური სინდრომის მქონე ნებისმიერი ადამიანი უფასო გამოკვლევას ჩაიტარებს
14:29 / 26.01.2021
თენგიზ ცერცვაძის განცხადებით, მალე ამოქმედდება პროგრამა, რითაც პოსტკოვიდური სინდრომის მქონე ნებისმიერი ადამიანი უფასო გამოკვლევას ჩაიტარებს. ამის შესახებ ინფექციური საავადმყოფოს დირექტორმა რუსთავი 2"-ის ეთერში განაცხადა.

"პოსტკოვიდური კვლევის პარალელურად, შეიქმნება პროგრამა, რომელსაც ჯანდაცვის მინისტრი გამოაცხადებს, რითაც ყველა პოსტკოვიდური სინდრომის მქონე ადამიანს განურჩევლად იმისა, არის თუ არა კვლევაში ჩართული, ყველა მათგანს შესაძლებლობა ექნება მიმართოს კლინიკას, თან არამარტო თბილისში, არამედ ნებისმიერ რეგიონში და უფასოდ ჩაუტარდება ყველა საჭირო გამოკვლევა და თუ საჭიროა, მკურნალობა", - განაცხადა თენგიზ ცერცვაძემ.

თენგიზ ცერცვაძის თქმით, საქართველოში პოსტკოვიდური კვლევა 500 ადამიანზე იწყება.
გივი მიქანაძე: ირაკლი კობახიძის არჩევა  ევროსაბჭოს საპარლამენტო ასამბლეის ვიცე-პრეზიტენტად ხაზს უსვამს იმ წარმატებულ რეფორმებს და იმ იმიჯს, რომელიც საქართველოს აქვს ევროპის საბჭოს 47 სახელმწიფოს შორის
14:16 / 26.01.2021
ირაკლი კობახიძე ევროსაბჭოს საპარლამენტო ასამბლეის ვიცე-პრეზიდენტად აირჩიეს მეორე ვადით. როგორც საქართველოს საპარლამენტო დელეგაციის წევრმა, გივი მიქანაძემ აღნიშნა, ეს არის როგორც ირაკლი კობახიძის ავტორიტეტის, ასევე იმ საქმიანობის აღიარება, რომელსაც საქართველოს დელეგაცია 4 წლის განმავლობაში ახორციელებლდა ევროპის საბჭოს საპარლამენტო ასამბლეის ფორმატში.
გიორგი გახარია : თუ თბილისში დადებითობის მაჩვენებელი ჩამოცდება 4%-ს უახლოეს ერთ კვირაში, მუნიციპალური ტრანსპორტის გახსნაზეც უნდა ვისაუბროთ უფრო სწრაფად და ეკონომიკის იმ დარგების გახსნაზეც, რომლის შესაძლებლობასაც ეპიდმდგომარეობა გვაძლევს
12:16 / 26.01.2021
თუ თბილისში დადებითობის მაჩვენებელი ჩამოცდება 4%-ს უახლოეს ერთ კვირაში, რა თქმა უნდა, მუნიციპალური ტრანსპორტის გახსნაზეც უნდა ვისაუბროთ უფრო სწრაფად და ეკონომიკის იმ დარგების გახსნაზეც, რომლის შესაძლებლობასაც ეპიდმდგომარეობა გვაძლევს, - ამის შესახებ საქართველოს პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს დღევანდელ სხდომაზე განაცხადა.
გიორგი გახარია : როგორც კი ეპიდემიოლოგიური მაჩვენებელი ჩამოცდება 4%-ს, ყველაფერი უნდა გაკეთდეს იმისთვის, რომ სასწავლო დაწესებულებები ამოქმედდეს
11:59 / 26.01.2021
შემდგომი ყველაზე მნიშვნელოვანი ნაბიჯი, რომელიც საქართველოს მთავრობას მოუწევს გადადგას, ეს არის რა თქმა უნდა განათლების და პირველ რიგში დაწყებითი განათლების დაწესებულებების გახსნა, - ამის შესახებ პრემიერ-მინისტრმა გიორგი გახარიამ უწყებათაშორისი საკოორდინაციო საბჭოს სხდომაზე განაცხადა.
საქართველოში კორონავირუსის 1 006 ახალი შემთხვევა გამოვლინდა, გამოჯანმრთელდა 1 050 პაციენტი
11:12 / 26.01.2021
საქართველოში კორონავირუსის 1 006 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ სტოპცოვ.გე-ზე ცოტა ხნის წინ განახლდა.

ქვეყანაში ბოლო 24 საათში 1 050 ადამიანი გამოჯანმრთელდა. ბოლო დღე-ღამეში კორონავირუსით გარდაიცვალა 25 პაციენტი.

ბოლო 24 საათში ქვეყანაში ჩატარდა 17 349 ტესტი, მათ შორის ანტიგენის სწრაფი ტესტით – 5 857, "პისიარ" ტესტით – 11 492.
საქართველოში ბოლო 24 საათში კორონავირუსით 25 პაციენტი გარდაიცვალა
11:09 / 26.01.2021
საქართველოში კორონავირუსით 25 პაციენტი გარდაიცვალა.

ამის შესახებ ინფორმაცია მთავრობის სპეციალურ ვებგვერდ stopcov.ge-ზე გამოქვეყნდა.

საქართველოში კორონავირუსით გარდაცვლილთა საერთო რაოდენობა 3 096-ს შეადგენს. დღეს „კოვიდ-19“-ით ინფიცირების 1 006 ახალი შემთხვევა გამოვლინდა, გამოჯანმრთელდა 1 050 პაციენტი.

შეგახსენებთ, გუშინ საქართველოში კორონავირუსით 16 პაციენტი გარდაიცვალა.
დაავადებათა კონტროლის ეროვნული ცენტრი : ამ ეტაპზე, საქართველოში კორონავირუსის გადაცემის ინტენსივობა ევროპაში ერთ-ერთი ყველაზე დაბალია
10:41 / 26.01.2021
31 დეკემბრის მდგომარეობით, კორონავირუსის ეფექტური რეპროდუქციის ინდექსი საგრძნობლად შემცირდა და 0,62-ს გაუტოლდა. ამის შესახებ ნათქვამია დაავადებათა კონტროლისა და საზოგადოებრივი ჯანმრთელობის ეროვნული ცენტრის ანგარიშში სახელწოდებით, "ერთი წელი "კოვიდ-19"-თან ერთად".
იმ სკოლების პედაგოგებს, რომლებიც სწავლას 1-ელი თებერვლიდან საკლასო ოთახებში განაახლებენ, PCR ტესტირება ჩაუტარდებათ
10:31 / 26.01.2021
იმ სკოლების პედაგოგებს, რომლებიც სწავლას 1-ელი თებერვლიდან რეალურ სივრცეში განაახლებენ, სასწავლო პროცესის დაწყებამდე PCR ტესტირება ჩაუტარდებათ.

რა პერიოდულობითა და სიხშირით ჩაუტარდებათ ტესტირება, აღნიშნულთან დაკავშირებულ პროტოკოლზე განათლებისა და მეცნიერების სამინისტრო ჯანდაცვის სამინისტროსთან ერთად მუშაობს.
სოციალურ ქსელში რაჭის გზაზე მოსეირნე დათვის კადრები გავრცელდა. ვიდეო
22:27 / 23.01.2021
რაჭის გზაზე მოსეირნე დათვის ვიდოკადრებს Facebook-ის გვერდი „რაჭა ჩვენი სიყვარული“ ავრცელებს. ვიდეო ჯგუფს, სოციალური ქსელის ერთ-ერთმა მომხმარებელმა მიაწოდა.
ვიდეო: ქმრის რეაქცია, როცა გაიგო, რომ კამალა ჰარისმა ის პაემანის წინ “დაგუგლა”
22:46 / 21.01.2021
ინაუგურაციამდე რამდენიმე დღით ადრე ამერიკის ახალმა ვიცე-პრეზიდენტმა კამალა ჰარისმა მეუღლესთან, დაგ ემჰოფთან ერთად ინტერვიუ მისცა CBS-ის არხს. კამალა ჰარისმა დილის გადაცემის წამყვანის, ჯეინ პაულის კითხვას უპასუხა, სადაც წამყვანმა მას ჰკითხა, ,,დაგუგლა” თუ არა ქმრის შესახებ ინფორმაცია იქამდე, სანამ მას შეხვდებოდა.
დღის სიახლეები
კალენდარი
×