როცა დაიწყებს საერთაშორისო მიმოსვლა, ეს იქნება დიდი გამოცდა ყველა ქვეყნისთვის აბსოლუტურად, – ამის შესახებ ინფექციური პათოლოგიისა და შიდსის ცენტრის ხელმძღვანელმა, თენგიზ ცერცვაძემ საქართველოს პირველ არხს განუცხადა. თუმცა, ცერცვაძე აღნიშნავს, რომ მკაცრი რეგულაციების შემთხვევაში, ტურისტი ქვეყანაში არ შემოვა.

დიდ ბრიტანეთში, გასული დღე-ღამის განმავლობაში, კორონავირუსით ინფიცირების 1 557 შემთხვევა გამოვლინდა. ამავე პერიოდში, ვირუსს 204 ადამიანი ემსხვერპლა. ბოლო მონაცემებით, ქვეყანაში კოვიდინფიცირების 284 868 შემთხვევაა აღრიცხული, მათგან 40 465 ადამიანი გარდაიცვალა.

სომხეთში კორონავირუსით ინფიცირებული 200-მდე ადამიანი ჰოსპიტალიზაციის რიგს ელოდება, - ამის შესახებ დღეს გამართულ ბრიფინგზე სომხეთის პრემიერ-მინისტრმა ნიკოლ ფაშინიანმა განაცხადა.

ბრაზილიაში ბოლო 24 საათის განმავლობაში კორონავირუსის 30 830 ახალი შემთხვევა დადასტურდა და დაინფიცირებულთა საერთო რაოდენობა 645 771-მდე გაიზარდა, - ამის შესახებ ინფორმაციას CNN-ი ბრაზილიის ჯანდაცვის სამინისტროზე დაყრდნობით ავრცელებს.

„ახალი საქართველოს” ლიდერი, გიორგი ვაშაძე აცხადებს, რომ ოპოზიციის მხრიდან ვაკეში საერთო მაჟორიტარი დეპუტატობის კანდიდატად მისი დაყენების საკითხი განიხილება.

საქართველოში ტურიზმის გახსნის და სპეციალური უსაფრთხო ზონების შექმნის შესახებ კიდევ ერთი გავლენიანი საერთაშორისო სამოგზაურო პლატფორმა Conde Nast Traveler წერს. „რომელი ქვეყნები იხსნება საერთაშორისო მოგზაურებისთვის“ ამ სათაურით გამოქვეყნებულ სტატიაში საქართველოსთან ერთად მსოფლიოში პოპულარული ტურისტული მიმართულებები: საბერძნეთი, ესპანეთი, ინდონეზია, მალდივი და შრი-ლანკა მოხვდნენ.

სომხეთში ბოლო 24 საათში კორონავირუსის 547 ახალი შემთხვევა გამოვლინდა და დაინფიცირებულთა საერთო რაოდენობა 12 364-მდე გაიზარდა, - ამის შესახებ სომხეთის დაავადების კონტროლისა და პროფილაქტიკის ეროვნული ცენტრი იუწყება.

რუსეთის პრეზიდენტმა ქვეყნის მოქალაქეთა გენეტიკური ინფორმაციის ბაზის შექმნის განკარგულება გასცა. ინფორმაცია ამის შესახებ კრემლის ვებგვერდზე გამოქვეყნდა.

ზღვის სეზონი წელს ცოტა მოდიფიცირებულად უნდა ჩავატაროთ. ანუ არ უნდა იყოს თავისუფლება, - ამის შესახებ თენგიზ ცერცვაძემ „იმედის“ გადაცემაში „ანატომია“ განაცხადა. მისი თქმით, ინფორმაცია იმის შესახებ, რომ კორონავირუსი წყლით არ გადადების კვლევებით დამტკიცებული არ არის, ამიტომ დამსვენებლებს მაქსიმალური სიფრთხილე მართებთ.

დედაქალაქის მერი კახა კალაძე ვაკის პარკის მიმდებარე ტერიტორიაზე იმყოფებოდა, სადაც ჭავჭავაძის გამზირის რეაბილიტაციის ბოლო ეტაპის სამუშაოები მიმდინარეობს.

ტურიზმის აღდგენა საქართველოსთვის დიდი გამოცდა იქნება,- ამის შესახებ თენგიზ ცერცვაძემ „იმედის“ გადაცემაში „ანატომია“ განაცხადა. ინფექციური საავადმყოფოს დირექტორის თქმით, საქართველომ წარმატებით გაიარა შეზღუდვების მოხსნის ეტაპი, ამიტომ ახლა მთავარ გამოცდას ქვეყნისთვის ტურისტული სეზონის განახლება წარმოადგენს.

„წარმოადგინონ ერთი კონკრეტული საკითხი, სადაც კახა კალაძეს ჰქონდა ან გადაცდომა, ან ვინმეს რაიმე წაართვა, ან რამეზე გაურიგდა. ერთი ფაქტი მაინც წარმოადგინონ. მუდმივად სისულელე კითხვების რეჟიმში ვიმყოფები, სადაც არ არსებობს არანაირი საფუძველი“, - ასე უპასუხა დედაქალაქის მერმა კახა კალაძემ ჟურნალისტის შეკითხვას მერის მხრიდან „ილი ჯგუფის“ მფარველობასთან დაკავშირებით, რომელიც თბილისის მერიას საკვები პროდუქტებით ამარაგებს.

სავარაუდოდ, მან შემოიხია მაისური, - ამის შესახებ თბილისის მერმა, კახა კალაძემ ვარკეთილში გუშინდელ ინციდენტში მონაწილე ერთ-ერთ პირთან დაკავშირებით განაცხადა, რომელმაც თქვა, რომ კალაძემ მას მაისური შემოახია.

სავარაუდოდ, მან შემოიხია მაისური, - ამის შესახებ თბილისის მერმა, კახა კალაძემ ვარკეთილში გუშინდელ ინციდენტში მონაწილე ერთ-ერთ პირთან დაკავშირებით განაცხადა, რომელმაც თქვა, რომ კალაძემ მას მაისური შემოახია.

თბილისის მერი, კახა კალაძე აცხადებს, რომ თუ ვარკეთილში გუშინდელ ინციდენტში ძალადობას ჰქონდა ადგილი, შინაგან საქმეთა სამინისტრომ გამოიძიება უნდა დაიწყოს, თუმცა ის ამტკიცებს, რომ ასეთი რამ არ მომხდარა.

ამაშუკელის ქუჩაზე მდებარე გაზგასამართ სადგურზე დენის დარტყმის შედეგად დაშავებული ექსპერტ-კრიმინალისტი გარდაიცვალა. ამის შესახებ ინფორმაციას შსს ავრცელებს.

თბილისში, 5 ადამიანს ყვავი დაესხა თავს. შემთხვევა დღეს, კოსტავას ქუჩაზე მოხდა.

არაბთა გაერთიანებული საამიროების ქალაქ შარჯაში მდებარე ცათამბრჯენზე ხანძარი გაჩნდა. „ბიბისის“ ინფორმაციით, ქვეყნის ერთ-ერთი უდიდესი ქალაქის 40-სართულიან „აბკო თაუერზე“ ცეცხლის ჩაქრობას ათობით სახანძრო მანქანა და უპილოტო საფრენი აპარატი ცდილობს.

მე მგონი, არ შეიძლება, რომ ამ დროს ექიმების და მთელი ჯანდაცვის პერსონალის თავდაუდებელი ბრძოლის მიუხედავად, მათ მიმართ შეურაცხმყოფელი განცხადებები ისმოდეს. ეს ჩვენ არ გვეკადრება,- ამის შესახებ საქართველოს პრეზიდენტმა სალომე ზურაბიშვილმა პარლამენტის საგანგებო სესიის პლენარულ სხდომაზე განაცხადა. მისი თქმით, საგანგებო მდომარეობის გამოცხადებით, შესაძლებელი გახდა, პირველ ეტაპზე ვითარების მქსიმალურად გაკონტროლება და ქვეყნის უკიდურესი გართულებებისგან დაცვა.

საპარლამენტო უმრავლესობის დეპუტატმა მამუკა მდინარაძემ და ჟურნალისტმა ინგა გრიგოლიამ გადაცემა “რეაქცია”-ში იკამათეს.

სს "საქართველოს რკინიგზა" კიდევ ერთხელ ხაზგასმით აცხადებს, რომ კომპანიის მენეჯმენტი მუდმივად უსმენს და შესაძლებლობის ფარგლებში ცდილობს დააკმაყოფილოს თანამშრომელთა საჭიროებები და მოთხოვნები. სწორედ ამიტომ, დასაქმებულთა იმ კატეგორიას, რომელთა ხელფასი 1500 ლარს არ აღემატება, ხელფასი ემატება 10%-ით. რაც წლიურად დაახლოებით 18-20 მილიონ ლარს შეადგენს და ეს ამ ეტაპზე, ის მაქსიმუმია რისი ფინანსური რესურსიც გამოიძებნა. ამასთანავე, უკლებლივ ყველა რკინიგზელს საჩუქრის სახით, წელიწადში 2-ჯერ ფიქსირებული თანხა გადაეცემა.
ხელფასების 50%-იანი მატების მოთხოვნა და/ან განხილვა არარეალურ, პოპულისტურ საკითხს წარმოადგენს და ვინაიდან თითოეულმა რკინიგზელმა ზედმიწევნით კარგად იცის კომპანიის ფინანსური მდგომარეობა, სიმართლეს არ შეესაბამება განცხადებები, რომ დაახლოებით 4800 რკინიგზელი გაფიცვისათვის ემზადება. მეტიც, "რკინიგზელთა ახალი პროფკავშირი" აერთიანებს 400-მდე წევრს და მას არ გააჩნია ლეგიტიმაცია სრული კოლექტივის სახელით ისაუბროს და მით უფრო დააანონსოს გაფიცვები, შეუსრულებადი მოთხოვნების საპირისპიროდ.