„საქართველოში სანქციების შეერთება ნიშნავს, საკუთარი მოსახლეობის პრაქტიკულად სანქცირების ქვეშ ყოფნას, ეკონომიკა უნდა დაინგრეს, სოციალურად დაუცველთა პრობლემები კიდევ უფრო მეტად დამძიმდეს, ხელფასები, ვალუტის კურსი, მშენებლობები გაუარესდეს და შემდეგ ყალიბდება საერთო სარგებელი, რაც დესტრუქციულ ოპოზიციას და ე.წ. ომის პარტიას აქვს, რომ საზოგადოება ამ ფონზე, თანდათან მომზადდება როგორც რევოლუციის შემქმნელი და მოიშორებს იმ ხელისუფლებას, რომელიც გარე დაკვეთებს არ იღებს და პრაქტიკულად მიღწეული იქნება მიზანი, რომ დაბრუნდება ხელისუფლება, რომელიც გარე დაკვეთებს იოლად ასრულებს“, – ამის შესახებ, „ხალხის ძალის“ ერთ-ერთმა ლიდერმა დიმიტრი ხუნდაძემ გადაცემაში „პოლიტიკური პოსტი“ ისაუბრა.

აბსურდი და მარაზმია პრეზიდენტის მხრიდან რაღაც ჩახვეული ლოგიკით ფარცხალაძისთვის მოქალაქეობის არ ჩამორთმევა , - ამის შესახებ „ევროპული საქართველოს“ ლიდერმა, გიგა ბოკერიამ „პალიტრანიუსის“ გადაცემაში „360 გრადუსი“ განაცხადა.

უკვე მთელმა მსოფლიომ და განსაკუთებით რაც ჩვენთვის მნიშვნელოვანია, ჩვენმა აფხაზმა და ოსმა დებმა, ძმებმა იციან, რომ ერთადერთი გასაღები ჩვენი გაერთიანების არის გრძელვადიანი მშვიდობა, განვითარება, ერთმანეთის პატიება და შერიგება, - ამის შესახებ პარტია "ქართული ოცნების" აღმასრულებელმა მდივანმა, მამუკა მდინარაძემ, სოხუმის დაცემის დღესთან დაკავშირებით საუბრისას რუსთავი 2-ის ეთერში განაცხადა.

უკრაინის პრეზიდენტ ვოლოდიმირ ზელენსკის გუშინდელი ბრძანებულების თანახმად, ანდრეი შევჩენკო უკრაინის პრეზიდენტის შტატგარეშე მრჩევლად დაინიშნა

ნიკა მელიას ვეღარ ვხედავ „ნაციონალურ მოძრაობაში“, იმიტომ რომ პარტიაში არსებულმა პრობლემებმა ბევრ ადამიანს არ მოგვცა საშუალება, რომ საქმიანობა გაგვეგრძელებინა, - ამის შესახებ ოპოზიციონერმა დეპუტატმა, ხატია დეკანოიძემ განაცხადა, რითაც „ნაციონალური მოძრაობის“ წევრის, ნიკა მელიას განცხადებას გამოეხმაურა, რომლის თანახმად, მელია არ გამორიცხავს, რომ „სხვა პლატფორმიდან“ მოუწიოს ბრძოლა.

აზერბაიჯანმა მთიანი ყარაბაღის ყოფილი ე.წ. “მთავრობის მეთაური” რუბენ ვარდანიანი დააკავა. ამის შესახებ ინფორმაციას აზერბაიჯანის სასაზღვრო სამსახური ავრცელებს.

წინათ მდიდრები ერთმანეთს ეჯიბრებოდნენ, თუ ვის უკეთესი მანქანა ჰყავდა, ახლა სხვა დონის გამოწვევა გაჩნდა - ვის აქვს ეზოში საკუთარი ეკლესია, - ამის შესახებ ოპოზიციონერი დეპუტატი სოციალურ ქსელში წერს.

არ არის აუცილებელი, რომ ფორმალურად ყველა ერთი საარჩევნო სიით ასპარეზობდეს. თუმცა, აუცილებელია ყველა პროდასავლელმა პოლიტიკოსმა გაასწოროს ფოკუსი, რადგან ქვეყანას ჰყავს კონკრეტული მტერი - რუსეთი და მისი ხელდასხმული ხელისუფლება,- ამის შესახებ ჟურნალისტებთან „ნაციონალური მოძრაობის" ფრაქციის თავმჯდომარე თინა ბოკუჩავამ განაცხადა, რითაც უპასუხა კითხვას, დააზიანებს თუ პირიქით, სასარგებლო იქნება ნიკა მელიას გასვლა პარტიისთვის, თუკი მან ეს გადაწყვეტილება მიიღო.

გახარიას მინისტრობის დროს პანკისში მოლოტოვი კი არა, ჩვეულებრივი ხელჩართული ომი იყო ადგილობრივ მოსახლეობასა და პოლიციას შორის. მანქანები დაწვეს და არც ერთი არ დასჯილა, - ამის შესახებ გირჩი-მეტი თავისუფლების ლიდერმა, ზურაბ ჯაფარიძემ „ფორმულას“ ეთერში განაცხადა.

ვერ ვხედავთ ვერანაირ ნიშნებს იმისა, რომ პუტინის მიზნები შეიცვალა. ამის შესახებ ნატო-ს გენერალურმა მდივანმა იენს სტოლტენბერგმა ლატვიის პრემიერ-მინისტრ ევიკა სილინიასთან გამართული შეხვედრის შემდეგ განაცხადა.

ევროკავშირში ინტეგრაციის გზაზე საქართველოსათვის ამ გადამწყვეტ მომენტში, თქვენი ურყევი მხარდაჭერა ფასდაუდებელია , - ამის შესახებ საქართველოს პრეზიდენტი სალომე ზურაბიშვილი ლიეტუვის პრეზიდენტთან შეხვედრის შემდეგ სოციალურ ქსელში წერს.

საქართველოში ვიზიტით სლოვაკეთის შეიარაღებული ძალების მეთაური იმყოფება. გენერალ დანიელ ზმეკოს საქართველოს თავდაცვის ძალების მეთაურმა, გენერალ-მაიორმა გიორგი მათიაშვილმა უმასპინძლა. დახვედრის ოფიციალური ცერემონიალი თავდაცვის ძალების გენერალურ შტაბში გაიმართა.