ქართული ოცნების“ პარტიული კონფერენციები დღეს აჭარიდან დაიწყო.

ბოლო 2-3 თვის განმავლობაში ეს ტელევიზია [პალიტრა] ძალიან დაემსგავსა კეზერაშვილის სხვა ტელევიზიას - „ფორმულას“, გახდა ერთგვარი „ფორმულა-2“ - ამის შესახებ „ქართული ოცნების“ თავმჯდომარე ირაკლი კობახიძემ ჟურნალისტებს განუცხადა.

არავინ მოტყუვდეს სადღეგრძელოებით და ქალისგან ყალბი კულტის შექმნით - საქართველოში ქალი არის დაჩაგრული, საქართველოს საჯარო რეესტრში ქონების 80 პროცენტზე მეტი რეგისტრირებულია კაცებზე, ავტომობილების მძღოლები, 90 პროცენტზე მეტი, არიან კაცები, - ამის შესახებ ოპოზიციონერმა დეპუტატმა რომან გოცირიძემ განაცხადა.

ევროვიზია 2023-ზე საქართველოს წარმომადგენლის, ირუს სცენოგრაფიაზე ავსტრიელი რეჟისორი მარვინ დიეტმანი იმუშავებს. დიეტმანი არაერთი გასართობი და საკონცერტო სატელევიზიო შოუს პროდიუსერი და რეჟისორია. მას ასევე გადაღებული აქვს 100-ზე მეტი მუსიკალური ვიდეო და არის მრავალი არტისტის მუსიკალური ტურნეს მთავარი რეჟისორი.

სომხეთის განზრახვას, შეუერთდეს სისხლის სამართლის საერთაშორისო სასამართლოს რომის სტატუტს, რუსეთ-სომხეთის ურთიერთობებზე უკიდურესად უარყოფითი შედეგები მოჰყვება, – რუსული მედიის ინფორმაციით, ამის შესახებ რუსეთის საგარეო საქმეთა მინისტრმა სომეხ კოლეგებს აცნობა.

კლინიკა „ვივამედის“ დირექტორის, ზურაბ ჩხაიძის განცხადებით, დღეისთვის საქართველოს ყოფილი პრეზიდენტი მიხეილ სააკაშვილი 64 კილოგრამსა და 400 გრამს იწონის. ჩხაიძის განმარტებით, ეს წინა მონაცემთან შედარებით, გაუმჯობესებული წონაა.

არ მგონია, ვინმეს მისათითებელი ჰქონდეს, რომ სამარცხვინოა, მაგრამ ნამდვილად გულდასაწყვეტია, როცა პრეზიდენტს ქალი ჟურნალისტისადმი პრაქტიკულად ფიზიკური ძალადობა არ ანაღვლებს და ქალთა მიმართ ძალადობის კონტექსტში სხვა გარემოებები ანაღვლებს - როცა პრეზიდენტი ქალთა მიმართ გარკვეულ მანკიერებებზე საუბრობს, ქალ ჟურნალისტზე ძალადობის ფაქტი საერთოდ ყურადღების მიღმა რჩება, - ეს განცხადება ჟურნალისტებთან პარლამენტის ადამიანის უფლებათა დაცვის კომიტეტის თავმჯდომარემ მიხეილ სარჯველაძემ გააკეთა.

„ქართული ოცნების“ გენერალური მდივანი კახა კალაძე ბათუმში გამართულ პარტიულ კონფერენციას დაესწრო. მან კონფერენციის მონაწილეებს სიტყვით მიმართა და მადლობა გადაუხადა პარტიული საქმიანობისთვის და ქვეყნისთვის მნიშვნელოვან პროცესებში მონაწილეობისთვის.

თბილისის საკრებულოში საქართველოს ეკონომიკისა და მდგრადი განვითარების სამინისტროს სააგენტოს „აწარმოე საქართველოში“ მოქმედი პროგრამების პრეზენტაცია გაიმართა. ღონისძიება თბილისის მუნიციპალიტეტის გენდერული თანასწორობის საბჭოს წევრის, ნინო რუხაძის ინიციატივით მოეწყო.

ფრაქცია „ქართული ოცნების“ თავმჯდომარის, მამუკა მდინარაძის განცხადებით, მიხეილ სააკაშვილისთვის ადამიანის უფლებების დარგში ჯილდოს გადაცემა ქართველი ხალხისადმი უკიდურესი ცინიზმია.

ბუტა რობაქიძის დედამ, ია მეტრეველმა ნორვეგიის საელჩოსთან აქციაზე განაცხადა, რომ სააკაშვილისთვის ჯილდოს გადაცემა, არის შეურაცხყოფა და დაცინვა იმ ოჯახების, რომლებიც სააკაშვილმა გაანადგურა.

„ნაციონალური მოძრაობის“ რეჟიმი უნდა გამოცხადდეს დამნაშავედ, ეს პარტია უნდა გაუქმდეს, პირადად მე ჩავუდგები ამას სათავეში, დავანახებთ ევროპასა და ამერიკას, ვინ იყვნენ ეს ადამიანები, ეს არის იმის ბრალი, რომ რეჟიმი არ გასამართლდა, – ამის შესახებ ბუტა რობაქიძის მამამ, სოსო რობაქიძემ განაცხადა.