1791128002
უცხოეთი
ესპანეთში წყალდიდობას მსხვერპლი მოჰყვა
ესპანეთში, კატალონიაში ძლიერი წვიმებისა და წყალდიდობის შედეგად ორი ადამიანი დაიღუპა, ერთი კი დაკარგულად ითვლება. ამის შესახებ ინფორმაციას „როიტერი“ ადგილობრივ ხელისუფლებაზე დაყრდნობით ავრცელებს.
კატალონიის ლიდერმა სალვადორ ილამ დაადასტურა, რომ ბარსელონის ჩრდილოეთით მდებარე ქალაქში, ტორდერაში, კედლის ჩამონგრევის შედეგად კაცი დაიღუპა. კიდევ ერთი ადამიანი დაიღუპა მონტორნეს-დელ-ვალესში.
კატალონიის ხელისუფლებამ განგაშის წითელი დონე გამოაცხადა და მოსახლეობას სახლებში დარჩენისკენ მოუწოდა, რადგან ჩრდილო-აღმოსავლეთ რეგიონში სინოპტიკოსები ქარიშხალს პროგნოზირებენ.
ბარსელონას აეროპორტში რეისები გაუქმდა ან გადაიდო.
