1757497108
უცხოეთი
ტუსკი: დრონებმა პირველად დაარღვიეს პოლონეთის საჰაერო სივრცე ბელარუსიდან
პოლონეთის პრემიერ-მინისტრმა დონალდ ტუსკმა განაცხადა, რომ დრონები, რომლებმაც მისი ქვეყნის საჰაერო სივრცე დაარღვიეს, პირველად ჩაფრინდნენ უშუალოდ ბელარუსის ტერიტორიიდან.
„ეს პირველი შემთხვევაა, როდესაც პოლონეთის საჰაერო სივრცეში შეჭრილი დრონები პირდაპირ ბელარუსიდან აფრინდნენ და არა უკრაინიდან“, - განაცხადა ტუსკმა.
ამავდროულად, უკრაინის მონიტორინგის არხების რუკებზე მითითებულია, რომ ბელარუსიდან პოლონეთში გაფრენილი დრონები ბელარუსში თავდაპირველად უკრაინიდან გაფრინდნენ.
მანამდე პოლონეთმა განაცხადა, რომ დრონი ბელარუსის საზღვართან ახლოს მდებარე სოფელში საცხოვრებელ შენობას დაეცა.
დონალდ ტუსკმა განაცხადა, რომ რუსული დრონები იმ ღამეს პირველად ჩამოაგდეს ნატოს ტერიტორიაზე, თუმცა, მისი თქმით, პანიკის საფუძველი არ არსებობს.
