ისრაელის განცხადებით, ღაზაში ჰუმანიტარული დახმარებით დატვირთული 5 სატვირთო მანქანა შევიდა
ისრაელის განცხადებით, ჰუმანიტარული დახმარებით დატვირთული 5 სატვირთო მანქანა ღაზას სექტორში შევიდა, რითაც ორთვიანი ბლოკადა მოიხსნა.
ისრაელის ცნობით, დახმარების მიწოდება „ისლამური თავდაცვის ძალების პროფესიონალი წარმომადგენლების რეკომენდაციისა და პოლიტიკური ეშელონის დირექტივის შესაბამისად“ ხორციელდება.
„ყველა დახმარება გაიგზავნა თავდაცვის სამინისტროს სასაზღვრო-გამშვები პუნქტების სამსახურის თანამშრომლების მიერ ჩატარებული საფუძვლიანი შემოწმების შემდეგ“, - ნათქვამია განცხადებაში.
შეგახსენებთ, ისრაელმა ღაზაზე ჰუმანიტარული ბლოკადა მარტში, ცეცხლის შეწყვეტიდან ორი თვის შემდეგ დააწესა.
19 მაისს, ბრიტანეთის პრემიერ-მინისტრმა კირ სტარმერმა ღაზაში არსებულ ვითარებას „აუტანელი“ უწოდა. ასევე, ევროკომისიის პრეზიდენტმა ურსულა ფონ დერ ლაიენმა განაცხადა, რომ ღაზაში არსებული ჰუმანიტარული მდგომარეობა „მიუღებელია“ და აღნიშნა, რომ დახმარებამ დაუყოვნებლივ უნდა მიაღწიოს მოსახლეობამდე.
