ისრაელელ მკვლევართა ჯგუფი, გალილეის კვლევით ინსტიტუტში (MIGAL) კორონავირუსის წინააღმდეგ ვაქცინის შემუშავების ბოლო სტადიაზეა, - ამის შესახებ ისრაელის მეცნიერებისა და ტექნოლოგიის მინისტრმა, ოფირ აკუნისმა განაცხადა. ინფორმაციას i24news.tv-ი ავრცელებს.

ნიდერლანდებში კორონავირუსით ინფიცირების პირველი შემთხვევა დადასტურდა. ამის შესახებ განცხადება ნიდერლანდების ჯანდაცვისა და გარემოს ეროვნულ ცენტრში გააკეთეს.

საფრანგეთის ჯანდაცვის მინისტრის, ოლივიე ვერანის განცხადებით, ქვეყანაში კორონავირუსით დაინფიცირების შემთხვევები მკვეთრად გაიზარდა, - ამის შესახებ მინისტრმა ცოტა ხნის წინ განაცხადა.

ფარავნის უღელტეხილზე ავტოტრანსპორტის მოძრაობა აკრძალულია, - ამის შესახებ ინფორმაციას საავტომობილო გზების დეპარტამენტი ავრცელებს.

ამ წუთებში გავრცელდა ინფორმაცია, რომლის თანახმადაც რუსეთმა მასობრივი საჰაერო იერიში მიიტანა თურქულ სამხედრო კოლონაზე, რომელიც ჰატაის რეგიონიდან იდლიბისკენ მიემართებოდა. როგორც ადგილობრივები იუწყებიან, დაბომბვის შედეგად დაღუპულია ათეულობით თურქი სამხედრო. შექმნილი ვითარების ფონზე თურქეთმა შეაჩერა სამშვიდობო მოლაპარაკებები რუსეთთან.

დღეის მონაცემებით, გრიპი უფრო მეტად მკვლელი ვირუსია, ვიდრე არსებული კორორნავირუსი, - ამის შესახებ იმუნოლოგმა ბიძინა კულუმბეგოვმა, ტელეკომპანია „პირველის“ ეთერში განაცხადა.

თბილისის მერიამ, ახალი პროგრამის – „გაფანტული სკლეროზის სამკურნალო მედიკამენტების დაფინანსების“ განხორციელების წესი დედაქალაქის საკრებულოს გადაუგზავნა. საკრებულოს მიერ წესის განხილვისა და დამტკიცების შემდეგ, მერია დაფინანსების მსურველ პირთა საბუთების მიღებას და საგარანტიო წერილების გაცემას დაიწყებს.

ჩრდილოეთ ირლანდიაში კორონავირუსით ინფიცირების პირველი შემთხვევა დაფიქსირდა. ამის შესახებ ინფორმაციას Sky News-ი ავრცელებს.

“თუ გავითვალისწინებთ იმას, რა ხდება ამ ვირუსის შეჭრის შემდეგ ორგანიზმში, რისკჯგუფებში შედიან მხოლოდ ხანდაზმული ხალხი, ამის შესახებ გადაცემა “რეაქციაში” იმუნოლოგმა დავით ნარობაშვილმა განაცხადა.

იტალიაში ახალი კორონავირუსით გარდაცვლილთა რიცხვი 17-მდე გაიზარდა. ინფიცირებულთა რიცხვი კი ბოლო რამდენიმე საათში 122-ით გაიზარდა და 650-ს შეადგენს.

ვატიკანსა და ეგვიპტეში ირანის ყოფილი ელჩი ჰადი ხოსროშაჰი კორონავირუსით გამოწვეული დაავადებისგან გარდაიცვალა.

საპარლამენტო უმრავლესობის დეპუტატმა მამუკა მდინარაძემ და ჟურნალისტმა ინგა გრიგოლიამ გადაცემა “რეაქცია”-ში იკამათეს.

სს "საქართველოს რკინიგზა" კიდევ ერთხელ ხაზგასმით აცხადებს, რომ კომპანიის მენეჯმენტი მუდმივად უსმენს და შესაძლებლობის ფარგლებში ცდილობს დააკმაყოფილოს თანამშრომელთა საჭიროებები და მოთხოვნები. სწორედ ამიტომ, დასაქმებულთა იმ კატეგორიას, რომელთა ხელფასი 1500 ლარს არ აღემატება, ხელფასი ემატება 10%-ით. რაც წლიურად დაახლოებით 18-20 მილიონ ლარს შეადგენს და ეს ამ ეტაპზე, ის მაქსიმუმია რისი ფინანსური რესურსიც გამოიძებნა. ამასთანავე, უკლებლივ ყველა რკინიგზელს საჩუქრის სახით, წელიწადში 2-ჯერ ფიქსირებული თანხა გადაეცემა.
ხელფასების 50%-იანი მატების მოთხოვნა და/ან განხილვა არარეალურ, პოპულისტურ საკითხს წარმოადგენს და ვინაიდან თითოეულმა რკინიგზელმა ზედმიწევნით კარგად იცის კომპანიის ფინანსური მდგომარეობა, სიმართლეს არ შეესაბამება განცხადებები, რომ დაახლოებით 4800 რკინიგზელი გაფიცვისათვის ემზადება. მეტიც, "რკინიგზელთა ახალი პროფკავშირი" აერთიანებს 400-მდე წევრს და მას არ გააჩნია ლეგიტიმაცია სრული კოლექტივის სახელით ისაუბროს და მით უფრო დააანონსოს გაფიცვები, შეუსრულებადი მოთხოვნების საპირისპიროდ.