1722012967
უცხოეთი
რუსეთში ხანძარს 2 წლის ბავშვი ემსხვერპლა
რუსეთში, ულიანოვსკის ოლქში გაჩენილ ხანძარს 2 წლის ბავშვის სიცოცხლე ემსხვერპლა, სამი ზრდასრული კი დაშავდა. ამის შესახებ ინფორმაციას რუსული მედია საგანგებო სიტუაციების და კატასტროფების მართვის სამინისტროზე დაყრდნობით ავრცელებს.
„წინასწარი ინფორმაციით, დაშავებულია სამი ზრდასრული. სამწუხაროდ, დაიღუპა 2 წლის ბავშვი“, - აცხადებენ უწყების პრესსამსახურში.
ცნობისთვის, საცხოვრებელი შენობის მესამე სართულზე ხანძარი სამ ბინაშია მოდებული, სადარბაზოში კი ძლიერი დაკვამლიანებაა. ამ ეტაპზე, მიმდინარეობს ევაკუაციის პროცესი.
