ირანმა მკაცრად უპასუხა აშშ-ის მუქარას და გააფრთხილა, რომ შემდგომმა ესკალაციამ შეიძლება ხანგრძლივი შედეგები გამოიწვიოს.

ირანის პარლამენტის სპიკერი და მთავარი მომლაპარაკებელი მოჰამად ბაღერ ღალიბაფი აცხადებს, რომ არასწორი სტრატეგიები და იმპულსური გადაწყვეტილებები მთელ ვითარებას გააუარესებს.

„არასწორი სტრატეგიები და იმპულსური გადაწყვეტილებები ვითარებას სრულად შეცვლის და ყველაფერს უარესობისკენ დააბრუნებს. ეს გამოიწვევს ენერგეტიკული ინფრასტრუქტურისა და ბაზრების აფეთქებას, შექმნის უსასრულო ჭაობს, რომელშიც წლების განმავლობაში იქნებით ჩაფლულნი. თქვენ სრულიად განსხვავებულ ირანს იხილავთ“, - წერს ირანის პარლამენტის თავმჯდომარე.

მანამდე, აშშ-ის პრეზიდენტმა განაცხადა, რომ ამერიკა ირანს „ამაღამ ძალიან ძლიერად“ დაარტყამს და ასევე,  ხარგის კუნძულის ხელში ჩაგდებით დაიმუქრა. აღნიშნული კუნძული ირანის ნედლი ნავთობის ექსპორტის დაახლოებით 90%-ს ამუშავებს.

Wrong strategies and impulsive decisions will reset the entire board for the worse, explode energy infrastructure and markets and create an endless quagmire that you will be stuck in for years.

You will see a different Iran.

— محمدباقر قالیباف | MB Ghalibaf (@mb_ghalibaf) June 11, 2026