1763540314
უცხოეთი
ტერნოპოლზე რუსული ძალების საჰაერო იერიშის შედეგად 9 ადამიანი დაიღუპა
უკრაინის პრეზიდენტის ვოლოდიმირ ზელენსკის ინფორმაციით, ტერნოპოლში ცხრასართულიან საცხოვრებელ შენობებზე რუსული ძალების იერიშის შედეგად ხანძარი გაჩნდა.
ზელენსკის თქმით, ცხრა ადამიანი დაიღუპა და ათობით დაშავდა.
„ნანგრევების ქვეშ შესაძლოა ადამიანები იყვნენ“, - განაცხადა ზელენსკიმ.
ამასთან, უკრაინის პრეზიდენტის თქმით, უკრაინის სხვა რეგიონებში დარტყმების შესახებაც ისაუბრა.
„სამი ადამიანი დაშავდა ივანო-ფრანკოვსკის რეგიონში. დაზიანდა კრიტიკული ინფრასტრუქტურა ლვოვის რეგიონში, დაბომბეს კიევის, ნიკოლაევის, ჩერკასის, ჩერნიგოვის და დნეპროპეტროვსკის რეგიონები“, - აცხადებს ზელენსკი.
ინფორმაციისთვის, რუსეთმა 18-19 ნოემბერს, ღამით, ლვოვსა და ტერნოპოლზე საჰაერო იერიშები განახორციელა.
