ირანის წინააღმდეგ აშშ-ისა და ისრაელის ერთობლივი საჰაერო იერიშის ფონზე, არაბთა გაერთიანებული საამიროების დედაქალაქ აბუ-დაბის მცხოვრებლებმა განაცხადეს, რომ აფეთქებების ხმა გაიგეს.

აშშ-ს აბუ-დაბის სამხრეთით, ალ-დაფრას საჰაერო ბაზაზე პერსონალი ჰყავს განლაგებული.

მანამდე არაბთა გაერთიანებულმა საამიროებმა განაცხადა, რომ საგანგებო პრევენციული ღონისძიების სახით „დროებით და ნაწილობრივ“ დახურა თავისი საჰაერო სივრცე.

აფეთქებების შესახებ ინფორმაცია ასევე გავრცელდა ქუვეითში, სადაც აშშ-ის არმიის ცენტრალური ბაზაა განთავსებული, ასევე კატარში, სადაც ალ უდეიდის საჰაერო ბაზა მდებარეობს. ქუვეითმა ასევე დახურა თავისი საჰაერო სივრცე.

ცოტა ხნის წინ ბაჰრეინმა განაცხადა, რომ კუნძულოვან სამეფოში აშშ-ის საზღვაო ძალების მე-5 ფლოტის შტაბ-ბინაზე სარაკეტო თავდასხმა განხორციელდა.

ირანის სახელმწიფო საინფორმაციო სააგენტო „ფარსის“ ცნობით, ირანის პარამილიტარული ისლამური რევოლუციის გუშაგთა კორპუსი სპარსეთის ყურის რამდენიმე ქვეყანაში აშშ-ის ბაზებზე თავდასხმებს ახორციელებს.

ნათქვამია, რომ სამიზნეებს შორის არის ქუვეითში, არაბთა გაერთიანებულ საამიროებში, კატარსა და ბაჰრეინში მდებარე რამდენიმე ამერიკული ბაზა.