ლეგენდარულმა ნიდერლანდელმა ფეხბურთელმა კლარენს ზეედორფმა ხვიჩა კვარაცხელიაზე ისაუბრა და აღნიშნა, რომ ქართველი ფეხბურთელი ამ მომენტისთვის მსოფლიოს საუკეთესო ფეხბურთელია.

„კვარაცხელია მსოფლიოში საუკეთესო ფეხბურთელია და ის უფრო და უფრო ვითარდება. მან ყველა სიტუაციაში და ყველა პოზიციაზე იცის, რა დროს რა უნდა გააკეთოს. გარკვეულ მომენტებში ხვიჩა თამაშს საკუთარ თავზე იღებს, ამიტომ ძალიან მომწონს მისი ინტელექტი. ის თითქოს დამატებითი მოთამაშეა ნახევარდაცვაში და ამავე დროს, შეტევაში გადამწყვეტ სხვაობას ქმნის. მისი თამაში უბრალოდ დაუჯერებელია“, - განაცხადა ზეედორფმა.

ცნობისთვის, „პარი სენ-ჟერმენმა“ საკუთარ მოედანზე „ბაიერნი“ 5:4 დაამარცხა, ხოლო მასპინძელთა მხრიდან ორი გოლის გატანა სწორედ ხვიჩა კვარაცხელიამ მოახერხა. ქართველს ჩემპიონთა ლიგის მიმდინარე გათამაშებაში უკვე 10 გოლთან ერთად 5 საგოლე გადაცემა აქვს შესრულებული.

🔴 Clarence Seedorf 🇳🇱 : « 𝗞𝗩𝗔𝗥𝗔𝗧𝗦𝗞𝗛𝗘𝗟𝗜𝗔 𝗘𝗦𝗧 𝗟𝗘 𝗠𝗘𝗜𝗟𝗟𝗘𝗨𝗥 𝗝𝗢𝗨𝗘𝗨𝗥 𝗗𝗨 𝗠𝗢𝗡𝗗𝗘 𝗘𝗧 𝗜𝗟 𝗡𝗘 𝗩𝗔 𝗖𝗘𝗦𝗦𝗘𝗥 𝗗𝗘 𝗦'𝗔𝗠𝗘́𝗟𝗜𝗢𝗥𝗘𝗥. 🤩🇬🇪

𝗜𝗹 𝗽𝗼𝗿𝘁𝗲 𝗹'𝗲́𝗾𝘂𝗶𝗽𝗲 𝗮̀ 𝗰𝗲𝗿𝘁𝗮𝗶𝗻𝘀 𝗺𝗼𝗺𝗲𝗻𝘁𝘀, 𝗰'𝗲𝘀𝘁 𝗽𝗼𝘂𝗿𝗾𝘂𝗼𝗶… pic.twitter.com/AfIQhaSoQG

— Vibes Foot (@VibesFoot) April 29, 2026