საქართველოს ნაკრებმა მსოფლიოს 2027 წლის ჩემპიონატის შესარჩევ ციკლში პირველი მატჩი მოიგო.

ალექსანდრ ჯიკიჩის გუნდმა დანიის ნაკრებს სტუმრად ძალიან დამაჯერებლად აჯობა.

დანიელებმა საქართველოს კონკურენცია მხოლოდ პირველ მეოთხედში გაუწიეს, რომელიც ფრედ, 12:12 დასრულდა, მაგრამ მეორე პერიოდიდან ქართველის უპირატესობა გამოიკვეთა (27:20) და საქართველო დიდ შესვენებაზე დაწინაურებული გავიდა.

გარდამტეხი გამოდგა მესამე პერიოდი, რომელიც ჯიკიჩის გუნდმა 38:15 მოიგო და ბოლო პერიოდს აზრი დაეკარგა. ამიტომაც, სკანდინავიელებმა ბოლოს შეამცირეს სხვაობა, თუმცა უმნიშვნელოდ. საბოლოოდ საქართველოს ნაკრებმა 89:71 გაიმარჯვა.

საქართველოს ნაკრებში 24 ქულით, 7 მოხსნით და 5 პასით საუკეთესო თორნიკე შენგელია იყო. კარგი დებიუტი ჰქონდა მარკის რიდს, რომელმაც 18 ქულა, 3 მოხსნა და 5 პასი დააგროვა. შესანიშნავად ითამაშა კიდევ ერთმა დებიუტანტმა ალექსანდრე მერკვილაძემ - 12 ქულა ჩააგდო და 100%-იანი სიზუსტით ისროლა. გუნდს 13 ქულით დაეხმარა დუდა სანაძე.