„ყველას მზერა მისკენაა მიმართული, „ნაპოლის“ პროექტის საყრდენია“ - კვარაცხელიამ კონტესთან მუშაობა დაიწყო
![](https://newshub.ge/uploads/files/2024/07/26/108008/khvicha-kvaratskhelia_w_h.jpeg)
ცნობილი იტალიური გაზეთის Gazzetta Dello Sport-ის დღევანდელ ნომერში ხვიჩას შესახებ წერენ. ქართველი ფეხბურთელი კონტეს პროექტის მთავარი ფიგურაა.
„ყველას მზერა მისკენაა მიმართული. ვიდრე ოდესმე, ახლა ის „ნაპოლის“ პროექტის გარეკანზეა. ეს თავიდანვე ნათელი გახდა მცირე მინიშნებებით. მაგალითად, სოციალურ ქსელში ვიდეოთი, რომლითაც გუნდის შეკრებას არეკლამებდა, მიუხედავად იმისა, რომ თვითონ იქ არ იყო და ასევე, სავარჯიშო მაისურების პრეზენტაციით.
მოკლედ, მისი სახე „ნაპოლის“ რესტარტის სიმბოლოა, შავი წლის შემდეგ კლუბის ამბიციების გარანტი. კონტეს მტკიცედ სურდა ახალი პროექტი მისთვის დაეკავშირებინა. ხვიჩა ასევე, ვიქტორ ოსიმენის მთავარ როლს მიიღებს, რომელიც ნეაპოლური თავგადასავლის ბოლოშია.
ერთი ვარსკვლავი მზადაა წასასვლელად, მეორე კი ნაპოლის გზის გასანათებლად. ის აფასებს კონტეს დამოკიდებულებას და სურს მას ნდობისთვის მადლობა თავისებურად გადაუხადოს - გოლებით, პასებით და დრიბლინგებით“, - წერს გამოცემა.
გარდა ამისა, ეს გამოცემა იტყობინება, რომ „ნაპოლიმ“ კვარას კონტრაქტი 2029 წლამდე განახლება და სეზონში 5 მილიონ ევროზე მეტი ხელფასი შესთავაზა. ახლა ქართველის გადასაწყვეტია დათანხმდება თუ არა შეთავაზებას ან გუნდში თამაშის გაგრძელება მოქმედი ხელშეკრულებით მოუწევს.