საქართველოს ეროვნულმა ნაკრებმა 2026 წლის პირველი მატჩი ჩაატარა და თბილისში ისრაელის ნაკრებთან ჩაატარა, რომელსაც დაუზავდა.

ვილი სანიოლმა 3-5-2 ტაქტიკური სქემა აირჩია და ძირითად შემადგენლობაში ერთბაშად სამი დებიუტანტი მოხვდა - მცველები ლუკა გადრანი და ილია ბერიაშვილი, ნახევარმცველი - გიზო მამაგეიშვილი.

მატჩის დაწყებამდე ფეხბურთის ფედერაციის ვიცე-პრეზიდენტმა, ალექსანდრე იაშვილმა ხვიჩა კვარაცხელიას 2025 წლის საუკეთესო მოთამაშის ჯილდო გადასცა.

საქართველოს კათოლიკოს-პატრიარქის, ილია მეორის ხსოვნის პატივსაცემად შეხვედრა წუთიერი დუმილით დაიწყო.

პირველი რეალური საგოლე მომენტი „ჯვაროსნებმა“ 31-ე წუთზე შექმნეს, როდესაც ისრაელის ნაკრების მეკარე შეცდა, გადაცემა კიტეიშვილმა ჩაჭრა, კარში კი მიქაუტაძემ დაარტყა, მაგრამ ბურთს მცველი გადაეღობა და სტუმრები გოლს გადაარჩინა.

36-ე წუთზე ხვიჩა კვარაცხელია მეტოქის მცველებს გასცდა და ზუსტი დარტყმით ანგარიში გახსნა – 1:0.

54-ე წუთზე კვარაცხელიამ კიდევ ერთხელ გაიბრწყინა – მცველები ჩამოიშორა და შორეულ კუთხეში ულამაზესი გოლით დუბლი შეასრულა – 2:0.

ორბურთიანი უპირატესობა „ჯვაროსნებმა“ მალე გაანიავეს. 61-ე წუთზე ანგარიში გაი მიზრაჰიმ შეამცირა, ხოლო ომრი განდელმანმა სამ წუთში წონასწორობა აღადგინა. ორივე ეპიზოდში საქართველოს ნაკრების დაცვა ჩავარდა.

მარტის სანაკრებო პაუზის დროს საქართველოს ნაკრები მეორე ამხანაგურ მატჩს 29 მარტს გამართავს – ვილი სანიოლის გუნდი კაუნასში ლიეტუვის წინააღმდეგ ითამაშებს. შეხვედრა 17:00 საათზე დაიწყება.