გიორგი მიქაუტაძე ლიონში მარტის საუკეთესო ფეხბურთელად დასახელდა. ფრანგული კლუბის ვებგვერდზე ჩატარებულ გამოკითხვაში ქართველს ყველაზე მეტი ხმა ერგო.

მიქაუტაძე თვის საუკეთესო მოთამაშედ გამოკითხულთა ნახევარზე მეტმა დაასახელა და მან საბოლოო ჯამში ხმების 59% მიიღო. მარტში გიორგიმ ლიონის მაისურით ჩატარებულ მატჩებში 4 გოლი გაიტანა და 4 საგოლე პასი გააკეთა. ის მეორედ გახდა ლიონში თვის MVP (დეკემბერსა და ახლა, მარტში).

მეორე ადგილი რაიან შერკის ერგო (22%), მესამე ლუკას პერის (12%), ხოლო მეოთხე პოზიცია მალიკ ფოფანას მიაკუთვნეს (7%).

გიორგი მიქაუტაძეს საფრანგეთის ლიგა 1-ის მიმდინარე სეზონში 27 შეხვედრაში 8 გოლი აქვს გატანილი და 4-ჯერ საგოლე პასი გააკეთა. ყველა ტურნირზე (კლუბში) მას უფრო კარგი სტატისტიკა აქვს: 38 თამაში, 14 გოლი (8 ლიგა 1-ში, 4 ევროპალიგაზე, 2 საფრანგეთის თასზე) და 8 საგოლე პასი.

ბოლო პერიოდში მიქაუტაძე შესანიშნავ ფორმაშია, კლუბსა და ნაკრებში ჩატარებულ უკანასკნელ ხუთ მატჩში თავის გამოჩენა 8 გოლით და 5 საგოლე პასით მოახერხა.

🥇 Avec 3⃣ buts et 4⃣ passes décisives, @MikautadzeG a réalisé un excellent mois de mars 🔥

👑 Vous l'avez élu Joueur du Mois à 59% 🔴🔵

📊 Voir le classement 👉 https://t.co/TRbreyPK3q pic.twitter.com/2t6j9e57Oe

— Olympique Lyonnais (@OL) April 3, 2025