აშშ-ის პრეზიდენტ დონალდ ტრამპს ახლო გარემოცვა ურჩევს, არ დაურეკოს რუსეთის ლიდერს ვლადიმერ პუტინს, ვიდრე ის არ დათანხმდება უკრაინაში ცეცხლის სრულ შეწყვეტას, - ამის შესახებ NBC News საკუთარ წყაროებზე დაყრდნობით წერს.

ტრამპის ადმინისტრაციის წარმომადგენლების თქმით, დღეს ორი ქვეყნის ლიდერებს შორის არანაირი კონტაქტის დამყარება არ იგეგმება. ამავე დროს, მათ გააფრთხილეს, რომ ტრამპმა შეიძლება მოულოდნელად გადაწყვიტოს, რომ მას სურს პუტინთან საუბარი.

ამავე დროს, მათი თქმით, ტრამპს უთხრეს, რომ სატელეფონო ზარი არ იყო კარგი იდეა, თუ პუტინი არ განუცხადებდა თეთრ სახლს, რომ ის თანახმა იყო ცეცხლის სრულ შეწყვეტაზე უკრაინასთან ომში.

როგორც გამოცემა აღნიშნავს, კირილო დმიტრიევი 3 აპრილის საღამოს თეთრ სახლში თეთრი სახლის წარმომადგენლებსა და რესპუბლიკელ კანონმდებლებს შეხვდა, თუმცა უცნობია ესწრებოდა თუ არა ტრამპი ამ შეხვედრას.

დიმიტრიევი ტრამპის თხოვნით თეთრ სახლში შეხვდა რესპუბლიკელ სენატორებს ლინდსი გრეჰემს სამხრეთ კაროლინადან და მარკვეინ მალინს ოკლაჰომიდან. სამმა ამერიკელმა ოფიციალურმა პირმა განაცხადა, რომ მათ განიხილეს უკრაინაში ომის დასრულების პირობები და პუტინის მოთხოვნები ცეცხლის შეწყვეტის შესახებ.

ტრამპმა NBC News-ს განუცხადა, რომ აპირებს პუტინთან საუბარი ამ კვირაში.