1747679589
სპორტი
გიორგი ქოჩორაშვილი მამარდაშვილზე: მახსოვს 20 წლის ბიჭი, რომელიც აქ აღფრთოვანებული მოვიდა, ვამაყობ შენი გავლილი გზით ძმაო
საქართველოს ეროვნული ნაკრების ფეხბურთელი გიორგი ქოჩორაშვილი სოციალურ ქსელში, გიორგი მამარდაშვილის „ვალენსიიდან“ წასვლას გამოეხმაურა.
„მახსოვს 20 წლის ბიჭი, რომელიც აქ აღფრთოვანებული მოვიდა. დღეს, იმის დანახვა თუ რამდენად შორს წახვედი ამაღელვებელია. ვამაყობ შენი გავლილი გზით ძმაო. ყველაფერი რაც ახლა იწყება დამსახურებულია“, - აცხადებს ქოჩორაშვილი.
შეგახსენებთ, რომ ესპანეთის ლა ლიგის 35-ტურში გიორგი მამარდაშვილმა „ვალენსიას“ მაისურით ბოლო მატჩი ჩაატარა „მესტალიაზე"“ და გულშემატკივარს დაემშვიდობა. ქართველი მეკარე ახალ სეზონს „ლივერპულში“ დაიწყებს.
აქვე გეტყვით, რომ მამარდაშვილის მსგავსად, სეზონის ბოლოს გიორგი ქოჩორაშვილიც დატოვებს ამჟამინდელ კლუბ „ლევანტეს“ და ახალ სეზონს „სპორტინგთან“ ერთად დაიწყებს.
