ისტორიაში პირველად, საქართველოს ნაკრებმა ევროპის ჩემპიონატზე თამაშის უფლება მოიპოვა.

„ევრო 2024“-ზე საქართველოს ნაკრები - თურქეთის, პორტუგალიისა და ჩეხეთის ნაკრებს დაუპირისპირდება. 

UEFA-ს ვებგვერდზე უკვე გამოქვეყნდა მატჩზე დასასწრები ბილეთების შესახებ ინფორმაცია და ფასების შესახებაც დაიწერა. 

ჯგუფურ ეტაპზე ბილეთის ღირებულება 30 ევროდან დაიწყება. ასევე არის - 60, 150, 200-ევროიანი ბილეთებიც. ბილეთის მაქსიმალური ფასი კი 400-ევროა. 

ცნობილია, რომ ბილეთების ფასები იცვლება მეთექვსმეტედფინალში. მისი ღირებულება 50 ევროდან დაიწყება და ადგილების მიხედვით იქნება 85, 175, 250 და 500-ევროიანი.

მეოთხედფინალზე ბილეთის ფასები 60, 100, 200 და 700 ევრო იქნება, ნახევარფინალზე - 80, 195, 400, 600 და 900 ევრო, ხოლო ფინალზე დასასწრები ბილეთების ფასი 95 ევროდან დაიწყება, ასევე ფინალზე დასასწრები ბილეთების ფასი 300, 600, 1000 და 2000 ევრო იქნება.

ბილეთების გაყიდვის დაწყების შესახებ ინფორმაცია მოგვიანებით გახდება ცნობილი.