ზურაბ ქადაგიძე: კვიპროსზე რომ დასეირნობენ ჩვენი ოპოზიციონერები, კეზერაშვილს ხვდებიან და ის დაფინანსებას ჰპირდება, დაუსვით კითხვები ამ „კოდლა-კოდლა“ ჩამოლაგებულ საერთაშორისო დამკვირვებლებს კეზერაშვილის დაფინანსებაზე
![](https://newshub.ge/uploads/files/2023/03/11/73139/zurab-kadagidze_w_h.jpeg)
პარტია „ხალხის ძალის“ წევრი ზურაბ ქადაგიძე ოპოზიციონერი დეპუტატების კვიპროსზე ვიზიტს და კეზერაშვილის დაფინანსებებთან დაკავშირებით, საერთაშორისო სადამკვირვებლო მისიების წარმომადგენლების დუმილს ეხმიანება. „როდიდან გახდა უცხო ქვეყნიდან დაფინანსებული პოლიტიკური პროცესი დემოკრატიული და გამჭვირვალე?!“ - წერს ქადაგიძე. ანალიტიკოსის თქმით, უცხო ქვეყნიდან პოლიტიკური პროცესის დაფინანსება არც დემოკრატიულია და არც გამჭვირვალე.
„ეს საერთაშორისო სადამკვირვებლო მისიები რომ ჩამობრძანდნენ და თვითკმაყოფილი სახეებით გვიყვებიან, როგორ სკრუპულოზურად უნდა დააკვირდნენ არჩევნებს, მხოლოდ ხელისუფლების კამპანიას დააკვირდებიან თუ რეალურად აინტერესებთ გამჭვირვალე პროცესი?! ყოველდღე რომ კვიპროსზე დასეირნობენ ჩვენი ოპოზიციონერები, კეზერაშვილს ხვდებიან და შესაბამისად, საერთაშორისო თაღლითი დაფინანსებას ჰპირდება, ეგ როგორ არის? კეზერაშვილის ფული სუფთაა თუ ქართული? ან როდიდან გახდა უცხო ქვეყნიდან დაფინანსებული პოლიტიკური პროცესი დემოკრატიული და გამჭვირვალე?! ა, თუ როდესაც რადიკალურ ოპოზიციას ეხება, მაშინ მოსულა?! დაუსვით კითხვები ამ “კოდლა-კოდლა” ჩამოლაგებულ საერთაშორისო დამკვირვებლებს, კეზერაშვილის დაფინანსებაზე!“ - წერს ზურაბ ქადაგიძე სოციალურ ქსელში.