Loading data...
USAID-ი როგორც, სუვერენული ქვეყნების შიდა პოლიტიკაში ჩარევის ინსტრუმენტი!

თამამად შეგვიძლია ვთქვათ, USAID-ი აშშ-ის არალეტალური იარაღი იყო, რომელიც სხვადასხვა ქვეყნებში რევოლუციის მოწყობას, ხელისუფლების შეცვლას და მათთვის სასურველი პოლიტიკური ჯგუფის გაძლიერებას უწყობდა ხელს, რაც ცალსახად შიდა პოლიტიკაში ჩარევად უნდა შეფასდეს (თითქმის ყველა სახელმწიფოს კანონმდებლობით, ქვეყნის შიდა პოლიტიკაში უცხო ძალების აკრძალულია) USAID-ი ერთ ერთი გიგანტი ორგანიზაცია არის, რომლის წლიური ბიუჯეტი თითქმის 50 მილიარდ დოლარს შეადგენდა, ის აქტიურად მოქმედებდა ისეთ ქვეყნებშიც კი, რომელთანაც აშშ-ს ოფიციალური დიპლომატიური ურთიერთობა არ აქვს....

USAID იყო აშშ-ის რბილი ძალის ინსტრუმენტი მსოფლიოს საზოგადოებებთან ურთიერთობების გასაძლიერებლად, რომელიც ხშირ შემთხვევაში სრულად უგულებელყოფდა კონკრეტული ქვეყნის ინტერესებს, ტრადიციას, კულტურას ისტორიას და ა.შ. ბოლო ცნობებით ორგანიზაციის დოკუმენტაციის შესწავლის შემდეგ დადგინდა, რომ ორგანიზაცია ბოროტების ბუდედ იყო ქცეული, რომელიც ხშირ შემთხვევაში ფინანსებს არა გაცხადებული მიზნების, არამედ ჩრდილოვანი მიზნების შესასრულებლად იყენებდა.

დიდი ალბათობით USAIDის შემდეგ ნედის რეორგანიზაცია მოხდება, აღნიშნულს მასკის განცხადება ამყარებს, „დემოკრატიის ეროვნულ ფონდი” კორუფციაშია ჩაძირული“, დიდია იმ ბოროტებათა ჩამონათვალი, რაც NED-ს გაუკეთებია“. მასკისვე განცხადებით USAID-ი უახლოეს მომავალში დაიხურება და ის იმ ფორმით, როგორც არსებობდა ვერ იარსებებს!

ის რამდენჯერმე შეხვდა ტრამპს ამ თემაზე და USAID-ის დახურვაზე ჰკითხა: „დარწმუნებული ხართ?“. ტრამპმა თქვა, „კი“. „შესაბამისად, ჩვენ მას ვხურავთ“, - დასძინა მასკმა.

ტრამპის სპეციალური წარმომადგენელი რიჩარდ გრენელი წერს, „ის, რასაც სამანტა პაუერი USAID-ის მეშვეობით თქვენ მიერ გადახდილ დოლარებს უშვრებოდა, გამოძიების ფედერალური ბიუროს მიერ უნდა იყოს გამოძიებული. ის თქვენი ფულით ულტრამემარცხენე აქტივისტების გიჟურ რადიკალურ პროგრამებს აფინანსებდა. გამოიძიეთ!

ტრამპის ადმინისტრაციის განცხადებით NED და USAID-ი კრიმინალური ორგანიზაციები არიან! დამეთანხმებით აღნიშნული განცხადება მრავლისმთქმელია და ინტერპრეტაციების შესაძლებლობას არ ტოვებს.

რა თქმა უნდა ორგანიზაციის დახურვას/რეორგანიზაციას მოწინააღმდეგეებიც ჰყავს, მაგალითად დელავერის შტატის დემოკრატი სენატორი კრის კუნსი, „ესენი(USAID) არიან პატრიოტი ამერიკელები, რომლებიც ხელს უწყობენ ჩვენს ლიდერობას მთელ მსოფლიოში. ისინი გვაქცევენ უფრო უსაფრთხოდ. ტრამპი ჩვენ ნაკლებად უსაფრთხოდ გვხდის.” რეალობა ის არის, რომ აღნიშნულმა ორგანიზაციამ და აშშ-ს წინა ადმინისტრაციის პოლიტიკამ, ამერიკის ლიდერობა და მისდამი კეთილგანწყობა შეამცირა. ფაქტია აშშ-ში განვითარებული მოვლენები აშშ-ს დიპლომატიური პრიორიტეტების ცვლილებაზე მიუთითებს, რაც სხვა ქვეყნების შიდა პოლიტიკაში ჩარევის მნიშვნელოვნად შემცირებას გამოიწვევს!

ბოლო ცნობებით USAID-ის ხელმძღვანელად მაიკლ რუბიო დაინიშნა, რომელიც იმედს ვიტოვებ, რევოლუციურ ცვლილებებს განახორციელებს, შეუძლებელია ორგანიზაციამ არსებული ფორმით ფუნქციონირება განაგრძოს, რადგან ის დაადანაშაულეს ისეთ კანონდარღვევაში, როგორიც სხვა ქვეყნებში რევოლუციის მოწყობა არის (უკრაინა/ საქართველო)

აშშ-ში დაწყებულ პროცესებს, მსოფლიოს სხვა ქვეყნებზე, დომინოს პრინციპის ეფექტი ექნება, რაც არაკეთილსინდისიერი, არასამთავრობო ორგანიზაციების ლიკვიდაციას და საზოგადოებისგან მოკვეთას მოახდენს!

მოგეხსნებათ ევროპის რამდენიმე ქვეყანაში აქციები იმართება, რომლის მიზანი ხელისუფლების შეცვლაა, აქციების ლიდერობას კი სტუდენტები და არასამთავრობო ორგანიზაციები ახორციელებენ. რამდენიმე დღის უკან სლოვაკეთის პრემიერ მინისტრმა რობერტ ფიცომ განაცხადა: USAID-მა და სხვა არასამთავრობო ორგანიზაციებმა მოახდინეს გადატრიალების მცდელობა სლოვაკეთში

USAID-მა, NED-მა და სოროსის მიერ მხარდაჭერილმა არასამთავრობო ორგანიზაციებმა მილიონებით დოლარი შეიტანეს სლოვაკეთში საპროტესტო აქციების გასამართად, მთავრობის დესტაბილიზაციისთვის და შეცვლისთვის!

სლოვაკეთში გამართული აქციების დროს:

  • აქციის მონაწილეთა მესამედამდე უკრაინელი და სხვა უცხოელები არიან

  • უკრაინული მედია ღიად უჭერს მხარს საპროტესტო აქციებს და კიევთან დაკავშირებული ორგანიზაციები კოორდინაციას უწევენ არეულობას

  • დასავლეთის საელჩოები ღიად თანამშრომლობენ ოპოზიციურ ჯგუფებთან, ისევე როგორც წარსულში ფერადი რევოლუციების დროს

  • 24 იანვარს, სლოვაკეთის ჯანმრთელობის დაზღვევის(სახელმწიფო) კომპანიაზე კიბერშეტევა განხორციელდა, - ფიცომ მას უწოდა მთავრობებზე ზეწოლის „სასწავლო მაგალითი“ რომლებიც უარყოფენ უკრაინის და დასავლეთის მოთხოვნებს

  • 2024 წლის მაისის მკვლელობის მცდელობა დაკავშირებული იყო უცხოეთის მხარდაჭერილ ქსელებთან: კაცი, რომელმაც შარშან ფიცოს მოკვლა სცადა, იყო პროდასავლელი აქტივისტი, რომელსაც კავშირი ჰქონდა უცხოური დაფინანსებით დაფინანსებულ ჯგუფებთან

  • ფიცოზე თავდასხმა სწორედ მაშინ მოხდა, როცა ფიცომ დაიწყო მუშაობა არასამთავრობო ორგანიზაციების გავლენის შესაჩერებლად და უცხოელი ინსტრუქტორების განდევნაზე

რაიმე ხომ არ გეცნობათ? ანალოგიური ვითარება იყო და არის საქართველოში, აქციების ორგანიზების დროს არასამთავრობო სექტორის არაბუნებრივი აქტიურობა ფიქსირდება, ისინი აქტიურობენ უშუალოდ აქციების დროს, აკეთებენ პოლიტიკურ განცხადებებს, უცხოელ დონორებთან აგზავნიან მოხსენებებს, სადაც არა კონკრეტული პარტიის არამედ ქართველი ხალხის წინააღმდეგ გამოდიან და ა.შ. ალბათ ლოგიკური კითხვა დაგებადებათ, რა შუაშია USAID-ი და საქართველოში მიმდინარე აქციები.

საქართველოს შემთხვევაში შევეცდები არსებული სურათი ფართო ჭრილში განვიხილო, ბოლო არჩევნების დროს, საქართველოსთვის დაახლოებით 41 მილიონი დოლარი გამოიყო (USAID-ს მიერ) რომელიც საქართველოში პირდაპირი და არაპირდაპირი გზებით შემოვიდა, საქართველოში არსებული რამდენიმე ორგანიზაცია უშუალოდ USAID-მა დააფინანსა, თანხის ნაწილი კი საქართველოში სხვა ორგანიზაციების დახმარებით შემოვიდა, კერძოდ USAID-მა დააფინანსა, ეროვნული დემოკრატიული ინსტიტუტი (NDI) საერთაშორისო რესპუბლიკური ინსტიტუტი (IRI) საერთაშორისო საარჩევნო სისტემების ფონდი (IFES) რომლებმაც თავის მხრივ ქართული არასამთავრობო ორგანიზაციების დაფინანსება მოახდინეს.

ზოგადად USAID წლების განმავლობაში მნიშვნელოვან მხარდაჭერას უწევს ქართულ არასამთავრობო ორგანიზაციებს (NGO-ებს) მიუხედავად იმისა, რომ კონკრეტული წლიური დაფინანსება დეტალურად არ არის მოცემული არსებობს რამდენიმე პროგრამა, რომელიც ასახავს USAID-ის დახმარების მასშტაბს და მიმართულებებს:

  • არჩევნებისა და პოლიტიკური პროცესების მხარდაჭერა (2019–2023):

USAID-მა განახორციელა დაახლოებით 4–5 მილიონი დოლარის გამოყოფა ქართული სამოქალაქო საზოგადოების ორგანიზაციების მხარდასაჭერად.

ეს ინიციატივა მიზნად ისახავდა ამომრჩეველთა ინტერესების დაცვისა და პოლიტიკური სისტემისადმი ნდობის გაძლიერებას.

დაფინანსებას იღებდა 5–7 ქართული ორგანიზაცია 42-თვიანი პერიოდის განმავლობაში.

  • მედია პროგრამა საქართველოში:

ხუთწლიანი პროექტი, ბიუჯეტი 10 მილიონი დოლარი.

მიზნად ისახავს დამოუკიდებელი მედიის გაძლიერებას, პრესის თავისუფლების დაცვას, მედიის თვითრეგულაციის განვითარებას და სანდო ინფორმაციის ხელმისაწვდომობის გაზრდას. რეალურად ეს თანხა (მინიმუმ თანხის დიდი ნაწილი) ოპოზიციურად განწყობილ მედიას მოხმარდა, რომლის დამოუკიდებლობის და ობიექტურობის ხარისხი არათუ გაიზარდა არამედ კატასტროფულად გაუარესდა!

  • მდგრადი თემების პროგრამა (2022–2027):

23.8 მილიონი დოლარის ბიუჯეტით,

მხარს უჭერს ადმინისტრაციული საზღვრის (ABL) მიმდებარე თემებს, მცირე და საშუალო ბიზნესებს,

აქვე გთავაზობთ, საქართველოში USAID-ის მიერ დაფინანსებული ორგანიზაციების/პროექტების არასრულ ჩამონათვალს.

  • CARE Georgia – გენდერული თანასწორობის, სიღარიბის შემცირებისა და კატასტროფებზე რეაგირების პროგრამები

  • World Vision Georgia – ბავშვთა დაცვის, განათლებისა და თემის განვითარების ინიციატივები

  • საერთაშორისო გამჭვირვალობა – საქართველო (TI Georgia) – კორუფციის წინააღმდეგ ბრძოლა და კარგი მმართველობის მხარდაჭერა

  • სამოქალაქო განვითარების ინსტიტუტი (CDI) – დემოკრატიისა და მმართველობის პროექტები

  • საქართველოს ახალგაზრდა იურისტთა ასოციაცია (GYLA) – სამართლებრივი რეფორმებისა და ადამიანის უფლებების დაცვა

  • საქართველოს სავაჭრო-სამრეწველო პალატა – ეკონომიკური ზრდისა და კერძო სექტორის განვითარების მხარდაჭერა

  • ილიას სახელმწიფო უნივერსიტეტი – განათლებისა და კვლევების პროექტები

  • თბილისის სახელმწიფო უნივერსიტეტი (TSU) – აკადემიური პროგრამებისა და ინსტიტუციური განვითარების მხარდაჭერა

  • ფონდი ღია საზოგადოება – საქართველო (OSGF) – დემოკრატიისა და ადამიანის უფლებების მხარდაჭერა

  • სამართლიანი არჩევნებისა და დემოკრატიის საერთაშორისო საზოგადოება (ISFED) – არჩევნების მონიტორინგი და დემოკრატიული მმართველობის გაძლიერება

  • საქართველოს ენერგეტიკული განვითარების ფონდი – განახლებადი ენერგიის პროექტები

  • საქართველოს ენერგეტიკისა და წყალმომარაგების მარეგულირებელი კომისია (GNERC) – ენერგეტიკის სექტორში რეგულაციური რეფორმები

  • საქართველოს სოციალური მუშაკების ასოციაცია (GASW) – სოციალური სერვისებისა და შესაძლებლობების განვითარების მხარდაჭერა

  • მედია და ჟურნალისტიკა

  • ინტერნიუს საქართველო – მედიის თავისუფლებისა და ჟურნალისტების პროფესიული განვითარების ხელშეწყობა

  • მედიის განვითარების ფონდი (MDF) – დამოუკიდებელი ჟურნალისტიკისა და მედია წიგნიერების ხელშეწყობა.

ახლა კი უფრო კონკრეტულად გთავაზობთ საქართველოში მოქმედი ორი არასამთავრობო ორგანიზაციის მიერ USAID-გან NED-გან მიღებული გრანტების ოდენობას, (სხვა ორგანიზაციების შემთხვევაში ინფორმაცია არასრულია) აღნიშნულ ორგანიზაციებს გრანტების შესახებ ინფორმაცია საკუთარ ვებ გვერდზე აქვს განთავსებულია, თუმცა აღსანიშნავია, რომ ზოგიერთი გრანტის შემთხვევაში მითითებული არ არის დონორი ორგანიზაცია(რაც ჩამონათვალში არ შევიტანე) გარდა USAID- NED-სა აღნიშნული ორგანიზაციების სხვა დონორები ჰყავთ! დონორები რომლებიც თავის მხრივ usaid-ის მიერ ფინანსდებიან. ჩამოთვლილ დაფინანსებაში usaid-ის მიერ განხორციელებული პირდაპირი ფინანსური დახმარება შევიყვანე და არა ირიბი, რაც საკმაოდ დიდი ოდენობის არის!

2011-2025წლებში საერთაშორისო გამჭვირვალობა საქართველომ USAID-სგან დაფინანსების სახით 172,531 ლარი და 2,501,981 დოლარი მიიღო, ხოლო NED-გან 452,979 დოლარი (2015-2023 წელი) ჯამი: 2 954 960 $ და 172 531 ლარი

სამართლიანმა არჩევნებმა 2013 წლიდან 2024 წლის ჩათვლით NED-გან მიიღო 528,964$ ხოლო USAID-გან 2 979 095$ ჯამი: 3 508 059 $

საერთაშორისო გამჭვირვალობა საქართველო

  • კონკურენციის ანალიზი საქართველოში აღმოსავლეთ დასავლეთის მართვის ინსტიტუტი/USAID2011-09-01 - 2012-06-30 - 83,000 GEL

  • გამჭვირვალე და ანგარიშვალდებული პოლიტიკური ფინანსები საქართველოში: 2012 წლის საპარლამენტო არჩევნების პარტიათა დაფინანსების და სახელმწიფო რესურსების არამიზნობრივი ხარჯვის მონიტორინგი(IFES)IFES, აშშ-ის საერთაშორისო განვითარების სააგენტო (USAID) 2011-11-10 - 2013-03-3076,936 $

  • სახელმწიფო რესურსებისა და პოლიტიკური ფინანსების ბოროტად გამოყენების მონიტორინგი 2013 წლის საპრეზიდენტო და 2014 წლის ადგილობრივი თვითმმართველობის არჩევნებში (IFES) IFES, აშშ-ის საერთაშორისო განვითარების სააგენტო (USAID) 2013-09-15-2014-06-25 89,531 GEL 

  • კანონის უზენაესობის მხარდაჭერის პროგრამა (PROLOG)აღმოსავლეთ-დასავლეთის მართვის ინსტიტუტი/USAID 2015-05-25-2021-06-30 1,479,440 $

  • პოლიტიკური პარტიების დაფინანსებისა და საარჩევნო პროცესში ადმინისტრაციული რესურსების გამოყენების მონიტორინგი ამერიკის შეერთებული შტატების საერთაშორისო განვითარების სააგენტო (USAID)2016-02-22 - 2019-02-21 - 274,914 $
  • მედია გარემოს გაძლიერება და მონიტორინგი (MESM) აღმოსავლეთ-დასავლეთის მართვის ინსტიტუტი/USAID2016-03-16-2018-03-15 - 146,000 $

  • სამოქალაქო მოძრაობა ანტი-დასავლური კამპანიის წინააღმდეგ ამერიკის შეერთებული შტატების საერთაშორისო განვითარების სააგენტო (USAID) 2017-03-15 to 2017-10-15 - 49,601 $

  • პოლიტიკური პარტიების დაფინანსებისა და საარჩევნო პროცესში ადმინისტრაციული რესურსების გამოყენების მონიტორინგი ამერიკის შეერთებული შტატების საერთაშორისო განვითარების სააგენტო (USAID)2019-08-29 to 2025-03-31 475,000 $

NED

  • ადგილობრივ დონეზე საჯარო სამსახურის რეფორმის წახალისება National Endowment for Democracy (NED) 2015-02-01 to 2015-10-31 -43,000 $

  • იურიდიული დახმარება მთავრობის ანგარიშვალდებულებისათვის National Endowment for Democracy (NED) 2023-07-01 to 2024-12-31 - 211,269 $

  • მთავრობის გამჭვირვალობისა და ანგარიშვალდებულების ზრდის ხელშეწყობა - საკუთრების უფლების დაცვა National Endowment for Democracy (NED)2022-07-01 to 2023-06-30 - 198,710$

2011-2025წლებში საერთაშორისო გამჭვირვალობა საქართველომ USAID-სგან დაფინანსების სახით 172,531 ლარი და 2,501,981 დოლარი მიიღო, ხოლო NED-გან 452,979 დოლარი (2015-2023 წელი) ჯამი: 2 954 960 $ და 172 531 ლარი

სამართლიანი არჩევნები(ISFED)

  • დონორი: ეროვნული წვლილი დემოკრატიისთვის (NED)

ხანგრძლივობა: 01 ოქტომბერი, 2022 - 30 სექტემბერი, 2023

ბიუჯეტი: 148,763.00 აშშ დოლარი

  • დონორი: ეროვნული წვლილი დემოკრატიისთვის

ხანგრძლივობა: 1 აგვისტო, 2021 - 31 ივლისი, 2022

ბიუჯეტი: 130,752 აშშ დოლარი

  • დონორი: ეროვნული ღვაწლი დემოკრატიისთვის - NED

პროექტის დასახელება: არჩევნების მიმართ სანდოობის ხელშეწყობა

პროექტის ხანგრძლივობა: 01.06.2020-31.05.2021

ბიუჯეტი: 106,979 აშშ დოლარი

  • დონორი: ეროვნული წვლილი დემოკრატიისთვის– NED

ხანგრძლივობა: 1 აპრილი, 2019 – 31 ივლისი, 2020

ბიუჯეტი: 100,930 აშშ დოლარი

  • დონორი ორგანიზაცია: ეროვნული წვლილი დემოკრატიისათვის (NED)

ხანგრძლივობა: 1 მაისი - 31 დეკემბერი, 2013

პროექტის ბიუჯეტი: 41 540 აშშ დოლარი

  • დონორი: EWMI (USAID-ის სამართლის უზენაესობის პროგრამა)

ხანგრძლივობა: 01 ივლისი, 2022 - 31 დეკემბერი, 2023

პარტნიორი ორგანიზაცია: საქართველოს დემოკრატიული ინიციატივა (GDI)

ბიუჯეტი: 94,142.09 აშშ დოლარი

  • დონორი: შეერთებული შტატების საერთაშორისო განვითარების სააგენტო (USAID)

ხანგრძლივობა - თებერვალი, 2016 - 31 მარტი 2019

ბიუჯეტი - 1 385 000 აშშ დოლარი~

  • დონორი: ამერიკის შეერთებული შტატების საერთაშორისო განვითარების სააგენტო (USAID)

ხანგრძლივობა: 1 აგვისტო, 2019 - 31 მარტი, 2022

ბიუჯეტი: 1,499,953.3 აშშ დოლარი

სამართლიანმა არჩევნებმა 2013 წლიდან 2024 წლის ჩათვლით NED-გან მიიღო 528,964$ ხოლო USAID-გან 2 979 095$ ჯამი: 3 508 059 $

ავტორი: დავით ჩიხელიძე