ამერიკული ყავის კომპანია „სტარბაქსი“ საქართველოს ბაზარზე შემოსვლას ეხმაურება.

„გამარჯობა, საქართველო!

აღფრთოვანებულები ვართ, რომ მალე ყავის კულტურის გაზიარების ჩვენს მოგზაურობაში ახალ საინტერესო თავს გავხსნით.

 Alshaya Group Avrasya-ს ფარგლებში ჩვენს მზარდ ოჯახს საქართველო შემოუერთდა. ვამაყობთ, რომ ჩვენს „მესამე ადგილის“ გამოცდილებას ახალ საზოგადოებას ვთავაზობთ და მთელ რეგიონში ერთიანობას, კავშირსა და ადგილობრივ კულტურას აღვნიშნავთ.

კეთილი იყოს შენი მობრძანება ოჯახში, საქართველო!“, - წერს კომპანია. 

„სტარბაქსი“ საქართველოში შემოდის - როგორც „აწარმოე საქართველოში“ აცხადებს, ბრენდის მაღაზიები Alshaya Group-თან პარტნიორობით გაიხსნება, რომელიც „სტარბაქს“-ის ერთ-ერთი უმსხვილესი ლიცენზირებული პარტნიორია მსოფლიოში.

„სტარბაქს“-ის პირველი ობიექტი 2026 წლის ზაფხულში თბილისში, ილია ჭავჭავაძის გამზირზე, Axis Towers-ში გაიხსნება, ხოლო მომდევნო თვეებში ქსელის გაფართოება თბილისის გარდა, საქართველოს სხვა ქალაქებშიც იგეგმება.