1783362024
საზოგადოება
შროშა-რიკოთის მონაკვეთზე ავარია მოხდა - დაიღუპა ერთი ადამიანი
შროშა-რიკოთის მონაკვეთზე ავტოსაგზაო შემთხვევა მოხდა, რა დროსაც სატვირთო ავტომობილი ხრამში გადავარდა, მძღოლი კი ადგილზევე დაიღუპა.
როგორც ახალი ამბების სააგენტო Newshub.ge-ს შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.
ისჯება თავისუფლების აღკვეთით ვადით 4-დან 7 წლამდე, თანამდებობის დაკავების ან საქმიანობის უფლების ჩამორთმევით ვადით 3 წლამდე.
ავტოსაგზაო შემთხვევა 5 ივლისს მოხდა.
