1728206463
საზოგადოება
ოკუპირებულ ცხინვალში სროლის შედეგად „სამართალდამცავი ორგანოს“ 2 თანამშრომელი დაიჭრა
ოკუპირებულ ცხინვალში, სტალინის ქუჩაზე სროლა იყო. როგორც Кавказский Узел წერს, შედეგად ე.წ. სამართალდამცავი ორგანოს 2 თანამშრომელი დაიჭრა.
გამოცემის წყაროს ცნობით, ერთმანეთის მისამართით გასროლა მილიციელმა და „სამხრეთ ოსეთის“ ე.წ. თავდაცვის სამინისტროს თანამშრომელმა განახორციელეს 6 ოქტომბრის ღამეს.
ადგილობრივი მედიის ინფორმაციით, ორივე დაჭრილი მძიმე მდგომარეობაში იმყოფება და საავადმყოფოშია გადაყვანილი.
„29 და 31 წლის პირები მძიმე მდგომარეობაში საავადმყოფოში გადაიყვანეს“, - ნათქვამია ინფორმაციაში.
მომხდარს გამოეხმაურა ე.წ. სამხრეთ ოსეთის პრეზიდენტი ალან გაგლოევი, რომელმაც „სამართალდამცავი სტრუქტურების“ ხელმძღვანელებს სრულყოფილი გამოძიების ჩატარება დაავალა.
