1795245941
საზოგადოება
ილჰამ ალიევი მიხეილ ყაველაშვილს: პატივცემულო ბატონო პრეზიდენტო, ღრმა მწუხარებით შევიტყვეთ თბილისში საცხოვრებელ კორპუსში მომხდარი აფეთქების შედეგად ადამიანების დაღუპვისა და დაშავების შესახებ - ჩემი და აზერბაიჯანელი ხალხის სახელით გულწრფელ სამძიმარს გიცხადებთ
აზერბაიჯანის პრეზიდენტმა ილჰამ ალიევმა ქართველ კოლეგას მიხეილ ყაველაშვილს თბილისში, ფონიჭალაში მომხდარი აფეთქების გამო სამძიმრის წერილი გაუგზავნა. ინფორმაციას აზერბაიჯანის პრეზიდენტის ადმინისტრაცია ავრცელებს.
წერილში ალიევი ყაველაშვილს აზერბაიჯანელი ხალხის სახელით სამძიმარს უცხადებს. ის დაშავებულებს მალე გამოჯანმრთელებას უსურვებს.
„პატივცემულო ბატონო პრეზიდენტო, ღრმა მწუხარებით შევიტყვეთ თბილისში საცხოვრებელ კორპუსში მომხდარი აფეთქების შედეგად ადამიანების დაღუპვისა და დაშავების შესახებ.
ამ ტრაგედიასთან დაკავშირებით პირადად ჩემი და აზერბაიჯანელი ხალხის სახელით გულწრფელ სამძიმარს გიცხადებთ თქვენ, დაღუპულთა ოჯახის წევრებსა და ახლობლებს, ასევე, ქართველ ხალხს. დაშავებულებს კი მალე გამოჯანმრთელებას ვუსურვებ“, - წერს ალიევი.