ეროვნული ნაკრები საქართველოში დაბრუნდა - გულშემატკივრების საზეიმო დახვედრა
![](https://newshub.ge/uploads/files/2024/07/02/106568/aeroporti_w_h.jpeg)
საქართველოს ეროვნული ნაკრების ფეხბურთელები სამშობლოში დაბრუნდნენ გერმანიიდან, სადაც ევროპის ჩემპიონატში მიიღეს მონაწილეობა. მათი თვითმფრინავი თბილისის საერთაშორისო აეროპორტში დაეშვა, სადაც ასობით გულშემატკივარი შეიკრიბა.
ქართველ ფეხბურთელებს მოქალაქეები დროშებით, აპლოდისმენტებით, სიმღერითა და შეძახილებით - „მადლობა“ - დახვდნენ.
ცნობისთვის, დღეს, 21:30 საათზე, ეროვნული გუნდის ავტობუსის მსვლელობა დაიწყება. ავტობუსი იმოძრავებს ჭავჭავაძის, მელიქიშვილის და რუსთაველის გამზირის მიმართულებით, საბოლოო დანიშნულების ადგილი კი თავისუფლების მოედანი იქნება.
ეროვნული გუნდის წევრებთან შეხვედრის ცერემონია თავისუფლების მოედანზე 22:00 საათზე დაიწყება.
შეგახსენებთ, საქართველოს ნაკრები ესპანეთთან ანგარიშით 4:1 დამარცხდა. მანამდე, ქართველმა ფეხბურთელებმა პორტუგალიის ნაკრებთან მოპოვებული გამარჯვებით შეძლეს ტურნირის მერვედფინალურ ეტაპზე გადასვლა.
ცნობისთვის, ეს საქართველოსთვის სადებიუტო ევროპის ჩემპიონატი იყო.