1757527313
საზოგადოება
დაგეგმილი სამუშაოების გამო, პავლე ინგოროყვას ქუჩის შესახვევში საავტომობილო მოძრაობა შეიზღუდება
მთაწმინდის რაიონში, პავლე ინგოროყვას შესახვევისა და ზურაბ ჟვანიას ქუჩის კვეთაზე შპს „თბილსერვის ჯგუფი“ სანიაღვრე კოლექტორის რეაბილიტაციას იწყებს. ამის შესახებ ინფორმაციას თბილისის მერია ავრცელებს.
„დაგეგმილი სამუშაოების გამო, მიმდინარე წლის 11 სექტემბრის 09:00 საათიდან 13 სექტემბრის ჩათვლით, პავლე ინგოროყვას ქუჩის შესახვევში საავტომობილო მოძრაობა სრულად შეიზღუდება.
შეზღუდვის პერიოდში საგზაო მოძრაობა შესაძლებელი იქნება ზურაბ ჟვანიასა და მიხაი ზიჩის ქუჩების გამოყენებით“, - აცხადებენ მერიაში.
