1769709327
სამართალი
ავარია თბილისი-კახეთის ავტობანზე - დაიღუპა 2 ადამიანი
თბილისი-კახეთის ავტობანზე ავტოსაგზაო შემთხვევა მოხდა.
არსებული ცნობით, ერთმანეთს სატვირთო და მსუბუქი ავტომობილები შეეჯახნენ. ავარიის შედეგად, 2 ადამიანი დაიღუპა და ერთი დაშავდა. შეჯახების შედეგად მანქანას ცეცხლი გაუჩნდა.
შემთხვევის ადგილზე სამართალდამცველები და სასწრაფო სამედიცინო დახმარების ჯგუფები იყვნენ მობილიზებული.
მომხდარზე გამოძიება სსკ-ის 276-ე მუხლის მე-2 და მე-8 ნაწილებით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. ისჯება თავისუფლების აღკვეთით ვადით ექვსიდან ათ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.
