„ბატონო გიორგი [შარაშიძე], იმდენს რომ გააკეთებთ ქვეყნისთვის ან იმის მეათედს რომ გააკეთებთ, რაც გივი მიქანაძეს აქვს გაკეთებული, მერე გექნებათ უფლება, ბატონი გივი გააკრიტიკოთ. მაგრამ ყველაზე სამწუხარო ის არის, რომ „ნაცმოძრაობის“ ნარატივში სხედხართ ერთი ერთში და იმავენაირად იტყუებით. ბატონ მიქანაძეს მიჰყავს დღესდღეობით ჩვენი ქვეყნისთვის ერთ-ერთი ყველაზე მნიშვნელოვანი რეფორმა - განათლების რეფორმა. დარწმუნებულები ვართ, იგი წარმატებით გაართმევს თავს ამ პასუხისმგებლობას“, - ასე მიმართა ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა „გახარია საქართველოსთვის“ წევრს გიორგი შარაშიძეს პლენარულ სხდომაზე სიტყვით გამოსვლისას.

როგორც დეპუტატი აღნიშნავს, დიდი იმედი აქვთ, რომ საკონსტიტუციო სასამართლო ობიექტურ გადაწყვეტილებას მიიღებს და „ნაცმოძრაობა“ აიკრძალება. 

„უნდა იცოდეთ, რომ კონსტიტუციური სარჩელი შევიტანეთ საკონსტიტუციო სასამართლოში „ნაციონალური მოძრაობის“ აკრძალვასთან დაკავშირებით და 6 თვე იმუშავა საგამოძიებო კომისიას იმასთან დაკავშირებით, რომ ფაქტებით და მტკიცებულებებით გაგვემყარებინა ეს სარჩელი. ძალიან დიდი იმედი გვაქვს, ისინი ობიექტურ გადაწყვეტილებას მიიღებენ და აიკრძალება, საერთოდ გაქრება ეს პოლიტიკური ძალა ჩვენი პოლიტიკური ველიდან. შესაბამისად მოგიწოდებთ, უფრო ხშირად გაეცნოთ ახალ ამბებს.

რაც შეეხება, ასევე, თქვენი კოლეგის გაცხადებას ევროკავშირის ანგარიშთან დაკავშირებით, რომელიც  ვიხილეთ აბსოლუტურად სიცრუით გაჯერებული. რატომ  არ ელაპარაკებითო წამოვიდა საყვედური, აქაც ძალიან გთხოვთ, ყურადღებით იყოთ საინფორმაციო გამოშვებებში, ჩვენმა პრემიერმა რამდენჯერმე ღიად მიმართა, მზად არის ნებისმიერ დროს, ნებისმიერ ფორმატში დაუჯდეს და დაელაპარაკოს, გაფრინდეს ბრიუსელში, თუმცა ეს საუბარი უნდა შედგეს არგუმენტებით და არა თითის ქნევით - ეს კანონი გაიწვია, ის კანონი გაიწვიე, ჩვენ ასე არავის არ დაველაპარაკებით. ევრონესტის სამიტში რატომ არ მიიღეთ მონაწილეობაო? იქ თქვენ თუ ადევნებდით თვალყურს და ეს თქვენი შეურაცხყოფა არის იქიდან გამომდინარე, რომ ამ ქვეყნის მოქალაქეები ხართ, „ენჯეოების“ კვოტით შეიყვანეს „ნაცმოძრაობის“ წარმომადგენლები ქალბატონი ბოკუჩავას თამადობით და თავმოყვარე ხელისუფლების ნაბიჯი სწორედ ეს არის - ჩვენ იქ არ ჩავედით და არ დავესწარით ამ რაღაცა ცირკს. 

დემოკრატიაზე უკუსვლაზე როდესაც საუბრობთ, მოინიშნეთ თუ შეიძლება ბატონი გიორგი და იქნებ შედეგ შეხვედრაზე გვითხრათ, ათვლის წერტილი როდიდან იწყება დემოკრატიის უკუსვლის, რომელი წელი შეგვიძლია ჩავთვალოთ ათვლის წერტილად? როდიდან დაიწყო საქართველოში დემოკრატის უკუსვლა?!“ - აცხადებს მმართველი გუნდის დეპუტატი.