1761584055
პოლიტიკა
კირცხალია ALDE-ს რეზოლუციაზე: ძალიან საინტერესოა ქალბატონი კალასის და ბატონი კოსის დამოკიდებულება იმ დასკვნის მიმართ, რომელიც ეუთო/ოდირმა საპარლამენტო არჩევნების დროს დაწერა
ევროპის ლიბერალებისა და დემოკრატების ალიანსის (ALDE) მიერ საქართველოს შესახებ მიღებული რეზოლუცია საპარლამენტო უმრავლესობის ლიდერმა ირაკლი კირცხალიამ „ქართული ოცნების“ ოფისში გამართულ ბრიფინგზე შეაფასა და აღნიშნა, რომ ეს რეზოლუცია სიცრუეზეა აგებული.
„უკვე სათვალავი აქვს არეული საზოგადოებას და ჩვენს პოლიტიკურ გუნდს ამდენი, ყოვლად გაუგონარი, უსამართლო და უსტანდარტო რეზოლუციებისგან. თვითონვე ააბითურეს თავიანთი მიღებული რეზოლუცია, რადგან ყველა, მათ შორის ეს რეზოლუცია აგებულია სიცრუეზე.
ძალიან საინტერესოა ორი ევროკომისრის, ქალბატონი კალასის და ბატონი კოსის დამოკიდებულება იმ დასკვნის მიმართ, რომელიც დაწერა ეუთო/ოდირმა საპარლამენტო არჩევნების დროს“, - აღნიშნა კირცხალიამ.
