აშშ-ის დელეგაციას, რომელიც ჟენევაში უკრაინისა და რუსეთის წარმომადგენლებთან მოლაპარაკებებისთვის ჩავიდა, შეუერთდნენ ნატოს მოკავშირეთა ძალების უმაღლესი მთავარსარდალი ევროპაში, ალექსუს გრინკევიჩი და არმიის მდივანი დენ დრისკოლი. ამის შესახებ CNN-ის ჟურნალისტმა ჰეილი ბრიცკიმ წყაროებზე დაყრდნობით სოციალურ ქსელ X-ზე განაცხადა. 

„მდივანი დრისკოლი გუნდთან ერთად, რომელსაც სპეციალური წარმომადგენელი [სტივ] უიტკოფი და ბატონი [ჯარედ] კუშნერი ხელმძღვანელობენ, დღეს ჟენევაში ჩავიდა, რათა მონაწილეობა მიიღოს უკრაინაში ომის დასრულების შესახებ სამმხრივ მოლაპარაკებებში. ჩვენ ოპტიმისტურად ვართ განწყობილნი და მოუთმენლად ველით კონფლიქტის მოგვარებას“, - ციტირებს ჟურნალისტი აშშ-ის მთავრობის წარმომადგენლის სიტყვებს.

რუსული მედია წყაროებზე დაყრდნობით იუწყება, რომ ჟენევაში მოლაპარაკებები სულ მცირე ხუთი მიმართულებით გაიმართება.

„ეს, პირველ რიგში, ტერიტორიული, სამხედრო, პოლიტიკური და, რაც მთავარია, ეკონომიკური საკითხებია, ასევე, უსაფრთხოების მრავალფეროვანი ასპექტები“, - განუცხადა წყარომ TASS-ს.

კრემლის პრესმდივანმა დმიტრი პესკოვმა განაცხადა, რომ ჟენევის მოლაპარაკებები დახურულ კარს მიღმა გაიმართება. მან დასძინა, რომ მომლაპარაკებლები ხვალ, 18 თებერვალს, გააგრძელებენ მუშაობას და დასძინა, რომ დღევანდელი შეხვედრებიდან სიახლეებს არ უნდა ველოდოთ.

Army Secretary Dan Driscoll and Gen. Alex Grynkewich are in Geneva with the US delegation for Ukraine/Russia talks, sources say.

"Secretary Driscoll, as part of the team led by Special Envoy Witkoff and Mr. Kushner, arrived in Geneva today to participate in the trilateral…

— Haley Britzky (@halbritz) February 16, 2026