უკრაინის პრეზიდენტმა ვოლოდიმირ ზელენსკიმ 2 ივნისს სტამბოლში „სამართლიანი და მდგრადი მშვიდობის მისაღწევად“ რუსეთთან დაგეგმილი მოლაპარაკებებისთვის უკრაინული დელეგაციის განახლებული შემადგენლობა დაამტკიცა. ამას ადასტურებს პრეზიდენტის ადმინისტრაციის ვებგვერდზე განთავსებული №359/2025 განკარგულება.

დოკუმენტი განსაზღვრავს უკრაინის დელეგაციის შემადგენლობას, რომელიც მონაწილეობას მიიღებს მოლაპარაკებების პროცესში „უკრაინის საერთაშორისო პარტნიორებთან, ასევე, რუსეთის ფედერაციის წარმომადგენლებთან“.

წინა მოლაპარაკებების მსგავსად, უკრაინულ დელეგაციას კვლავ თავდაცვის მინისტრი რუსტემ უმეროვი უხელმძღვანელებს. მის შემადგენლობაში ასევე შედიან:

✔️ ოლექსანდრ ბევზი – პრეზიდენტის ადმინისტრაციის უფროსის მრჩეველი;

✔️ ოლექსანდრ დიაკოვი – უკრაინის შეიარაღებული ძალების საზღვაო ძალების სარდლობის შტაბის უფროსის მოადგილე;

✔️ სერგეი კისლიცია – უკრაინის საგარეო საქმეთა მინისტრის პირველი მოადგილე;

✔️ იური კოვბასა – ომბუდსმენის წარმომადგენელი უსაფრთხოებისა და თავდაცვის სექტორის ორგანოების სისტემაში;

✔️ გეორგი კუზმიჩევი – უკრაინის შეიარაღებული ძალების მთავარსარდლის ოფისის სამსახურებრივი საქმიანობის მხარდაჭერის ოფისის პროტოკოლის ოფიცერი;

✔️ ოლეგ ლუგოვსკოი – საგარეო დაზვერვის სამსახურის თავმჯდომარის პირველი მოადგილე;

✔️ ევგენი ოსტრიანსკი – უკრაინის შეიარაღებული ძალების გენერალური შტაბის უფროსის მოადგილე;

✔️ ოლექსანდრ პოკლადი – უკრაინის უსაფრთხოების სამსახურის თავმჯდომარის მოადგილე;

✔️ ვადიმ სკიბიცკი – თავდაცვის სამინისტროს მთავარი დაზვერვის სამმართველოს უფროსის მოადგილე;

✔️ ალექსეი შევჩენკო – უკრაინის შეიარაღებული ძალების გენერალური შტაბის უფროსის მოადგილე;

✔️ ანდრეი ფომინი – უკრაინის შეიარაღებული ძალების გენერალური შტაბის ცენტრალური იურიდიული დეპარტამენტის საერთაშორისო და ოპერატიული სამართლის დეპარტამენტის უფროსის მოადგილე;

✔️ ალექსანდრ შერიხოვი – უკრაინის შეიარაღებული ძალების გენერალური შტაბის მთავარი ოპერატიული დირექტორატის უფროსი ოფიცერი;

✔️ ევგენი შინკარევი – უკრაინის შეიარაღებული ძალების საჰაერო ძალების სარდლობის შტაბის უფროსის მოადგილე.

დელეგაციის წინა შემადგენლობისგან განსხვავებით, რომელიც 16 მაისის მოლაპარაკებებისთვის დამტკიცდა, მეორე რაუნდში დელეგაციიდან გამორიცხეს უკრაინის შეიარაღებული ძალების გენერალური შტაბის ცენტრალური იურიდიული დეპარტამენტის საერთაშორისო და ოპერატიული სამართლის სამმართველოს უფროსი ალექსეი მალოვაცკი. მის ნაცვლად დაემატნენ ანდრეი ფომინი, ევგენი ოსტრიანსკი და იური კოვბასა.