უკრაინამ უკვე ამოწურა საზენიტო რაკეტების მარაგი არსებული საჰაერო თავდაცვის სისტემების ნაწილისთვის. ამის შესახებ უკრაინის პრეზიდენტმა ვოლოდიმირ ზელენსკიმ ბრიუსელში გამართულ პრესკონფერენციაზე განაცხადა.

„დღეს ჩვენ ვსაუბრობთ საჰაერო თავდაცვაზე, გარკვეულ რაკეტებზე. არ მინდა, ხმამაღლა ვთქვა, რომელია დეფიციტური. არსებობს სისტემები, რომლებსაც არ აქვთ გარკვეული ტიპის რაკეტები. დღეს პარტნიორებთან ვსაუბრობდი, რომ შეგვიძლია დიდხანს და ბევრი ვიმსჯელოთ, მაგრამ დღეები მიფრინავს. ყოველ წუთს სადღაც რაღაც მოფრინავს. ის უნდა ჩამოაგდონ. ამიტომ ჩვენი პარტნიორები ან ლიცენზიებს, რაკეტებს, ან ფინანსურ მხარდაჭერას გვთავაზობენ. ჩვენ თვითონ ვყიდულობთ მათ“, - განაცხადა ზელენსკიმ.

სახელმწიფოს მეთაურმა აღნიშნა, რომ სხვა გამოსავალი არ არსებობს. ის ასევე ფიქრობს, რომ ევროპა ამას ხვდება.

„მაგრამ მეჩვენება, რომ როდესაც „რუსები“ ასეთ რეკორდულ ბიუჯეტებს გამოყოფენ არა მშვიდობისთვის, არამედ ომისთვის, არა ვინმესთან, არამედ ჩვენთან, მაშინ მთელი ეს ინდუსტრია აუცილებლად საჭიროებს კვებას და მუდმივად კვებას. ნუთუ არ შეგვიძლია, უბრალოდ მივცეთ მათ ფული მომავალი წლისთვის და შემდეგ რას იზამენ ამ ისედაც გაბერილი სამხედრო კამპანიებით? ისინი მუდმივად გამოვლენ და მხარს დაუჭერენ ომს, რადგან ეს დიდი შემოსავალია. ეს დიდი პრობლემაა“, - ხაზგასმით აღნიშნა უკრაინის პრეზიდენტმა.

ზელენსკი დარწმუნებულია, რომ როდესაც რუსეთში მთელი სამხედრო-სამრეწველო კომპლექსი კიდევ უფრო გაფართოვდება, ის აუცილებლად სადღაც იქნება მიმართული.

„და დღეს კითხვა არ არის სად? ყველაზე მნიშვნელოვანი ის არის, რომ ის მიმართული იქნება. და ყველა უნდა გაერთიანდეს, რადგან კიდევ ვიღაცას დაარტყამენ. ეს შეიძლება ომის ახალი ეტაპი იყოს. არ მინდა ვინმეს შეშინება. ყველა უბრალოდ მზად უნდა იყოს“, - აღნიშნა ზელენსკიმ.

მან დასძინა, რომ რეპარაციის სესხის შესახებ გადაწყვეტილება იქნება იმის მაჩვენებელი, აცნობიერებენ თუ არა ევროპელი პარტნიორები საფრთხეს.