რუსეთის პრეზიდენტს, ვლადიმერ პუტინს შეუძლია, რომ კიევში ჩავიდეს და იქ უკრაინის კონფლიქტის მოგვარებაზე მოლაპარაკება გაიმართოს. ამის შესახებ უკრაინის პრეზიდენტმა ვოლოდიმირ ზელენსკიმ განაცხადა. ინფორმაციას Deutche Welle ავრცელებს.

5 სექტემბერს ვლადივოსტოკში გამართულ აღმოსავლეთის ეკონომიკურ ფორუმზე პუტინმა განაცხადა, რომ, მისი აზრით, უკრაინის საკითხზე სამშვიდობო მოგვარების საკითხზე მოლაპარაკებისთვის საუკეთესო ადგილი მოსკოვია. მან ზელენსკის მოსკოვში ჩასვლის შემთხვევაში უსაფრთხოების 100%-იანი გარანტიები მისცა.

„მას, ვლადიმერ პუტინს შეუძლია კიევში ჩავიდეს. მე კი მოსკოვში ვერ წავალ, როდესაც ჩემს ქვეყანას ყოველდღე რაკეტებს ესვრიან. მე ტერორისტის დედაქალაქში ვერ წავალ“, - განაცხადა ზელენსკიმ.

უკრაინის პრეზიდენტმა ასევე განაცხადა, რომ პუტინს არც მასთან შეხვედრა და არც უკრაინაში ომის დასრულება სურს. ზელენსკი ასევე ამბობს, რომ ვლადიმერ პუტინი „აშშ-ს თამაშს ეთამაშება“.