1763719049
უცხოეთი
WSJ: ევროპა საკუთარ „სამშვიდობო გეგმას“ ავითარებს, რომელიც უკრაინისთვის უფრო სამართლიან პირობებს შეიცავს
ევროპელი ლიდერების ჯგუფი, სავარაუდოდ, რუსეთ-უკრაინის ომის დასრულების გეგმის განსხვავებულ ვერსიაზე მუშაობს, რომელიც უკრაინისთვის უფრო სამართლიან პირობებს ითვალისწინებს, ვიდრე ტრამპის ადმინისტრაციის მიერ შექმნილი დოკუმენტი. ამის შესახებ ნათქვამია The Wall Street Journal-ის პუბლიკაციაში, რომელიც აშშ-ის „სამშვიდობო გეგმის“ დეტალებს ეხებოდა.
როგორც ამბობენ, ევროპელი ლიდერები ომის დასრულების ალტერნატიულ წინადადებაზე მუშაობენ და იმედოვნებენ, რომ უკრაინას დაარწმუნებენ, მხარი დაუჭიროს მათ გეგმას, რადგან ის უკრაინისთვის სამართლიან პირობებს შეიცავს.
ამ გეგმაზე მუშაობა, სავარაუდოდ, „უახლოეს დღეებში“ დასრულდება.
მომავალი „ევროპული“ დოკუმენტის შესახებ დამატებითი დეტალები ჯერ არ გამოქვეყნებულა.
