სერბეთის ყოფილმა პრემიერ-მინისტრმა ალექსანდრე ვუჩიჩმა აღიარა, რომ მისი პარტია, „სერბეთის პროგრესული პარტია“ ქვეყანაში გამართულ რიგგარეშე საპარლამენტო არჩევნებში დამარცხდა. არჩევნები სერბეთში 25 ოქტომბერს გაიმართა. ამის შესახებ Deutche Welle იუწყება.

„ჯერჯერობით საბოლოო შედეგი არ ვიცით, მაგრამ სრულიად ნათელია, რომ ჩვენ არჩევნებში დავმარცხდით. გაიმარჯვა „სტუდენტურმა სიამ“, რომელიც პარლამენტში 130-140 ადგილს მიიღებს. ჩვენ 105 ადგილი გვექნება, სხვა პარტიები პარლამენტში ვერ მოხვდნენ“, - განაცხადა ვუჩიჩმა.

მანამდე სერბეთის ცენტრალურმა საარჩევნო კომისიამ გაავრცელა ინფორმაცია, რომ ამომრჩეველთა აქტივობამ 64,9% შეადგინა. ეს 1992 წელს, იუგოსლავიის დაშლის შემდეგ რეკორდული მაჩვენებელია.

საარჩევნო ბიულეტენებში 18 პარტია იყო წარმოდგენილი, მაგრამ ძირითადი კონკურენტები ალექსანდრე ვუჩიჩის „სერბეთის პროგრესული პარტია“ და „სტუდენტური სია“ იყო.

სექტემბრის ბოლოს ალექსანდრე ვუჩიჩმა პრეზიდენტის თანამდებობა დატოვა, რათა მისი პარტიის გამარჯვების შემთხვევაში ქვეყნის მთავრობას ჩადგომოდა სათავეში. მისი საპრეზიდენტო უფლებამოსილება მომავალი წლის მაისში იწურებოდა.