უნგრეთის თავდაცვის მინისტრმა კრისტოფ სალაი-ბობროვნიცკიმ განაცხადა, რომ უკრაინამ სამხედრო თვალსაზრისით ომი წააგო.

„სანამ სამეზობლოში ღია ომი გრძელდება, განზრახ, ან შემთხვევითი ესკალაციის ალბათობა მაღალია და ეს ასევე საფრთხეს უქმნის უნგრელ ხალხს“, - ხაზგასმით აღნიშნა მან.

უნგრელი მინისტრის თქმით, მშვიდობის მიღწევა მხოლოდ დიპლომატიური გზებით არის შესაძლებელი, აშშ-ის მშვიდობის დამყარების მცდელობას კი ევროკავშირის ლიდერები ძირს უთხრიან; როგორც მან აღნიშნა, ბლოკის სახელმწიფოები ცდილობენ ამ მცდელობების ჩაშლას და ყველაფერს გააკეთებენ იმისათვის, რომ ომი გაგრძელდეს.

„უნგრეთი კვლავ მშვიდობის მხარეს რჩება“, - დასძინა მან.

უნგრეთის თავდაცვის მინისტრმა ასევე აღნიშნა, რომ მისი ინფორმაციით, რუსეთ-უკრაინის ფრონტზე ყოველდღიურად, ბრძოლის ველზე დაბრუნების გარეშე ათასი ჯარისკაცი იღუპება, რომელთა მეოთხედი ბრძოლაში იხოცება. მან დასძინა, რომ ზოგიერთი გზა გაუვალია და უკრაინის სოფლის მეურნეობის კოლაფსი, რომელიც ადრე მთავრობის მიერ დემონიზებული იყო, ასევე უარყოფითად მოქმედებს უნგრელებზე.

სალაი-ბობროვნიცკიმ ასევე განაცხადა, რომ უკრაინის არმია 40%-ით არის დაკომპლექტებული, ხოლო რუსეთის არმია - 70%-ით და რომ „სამხედრო თვალსაზრისით, უკრაინამ ეს ომი წააგო“.