უკრაინის რადას დეპუტატმა ალექსეი გონჩარენკომ აშშ-ის მიერ უკრაინისთვის შემუშავებული ახალი, 28-პუნქტიანი „სამშვიდობო გეგმის“ დეტალები გაასაჯაროვა.

კერძოდ, მისი ინფორმაციით, გეგმა მოიცავს შემდეგ პუნქტებს: 

1. უკრაინის უსაფრთხოება და პოლიტიკური სტატუსი

➖ უკრაინის სუვერენიტეტის დადასტურება;

➖ უკრაინა აშშ-ისგან უსაფრთხოების გარანტიებს იღებს, მაგრამ პირობებით;

➖ უკრაინა კონსტიტუციაში აფიქსირებს თავის არაალიანსურ სტატუსს და ნატოს უარყოფას; ნატო ადასტურებს უკრაინის მუდმივ წევრობაზე უარის თქმას;

➖ უკრაინის შეიარაღებული ძალების ზომა შეზღუდულია;

➖ უკრაინა რჩება არაბირთვულ სახელმწიფოდ;

2. ტერიტორიული საკითხები

➖ ყირიმი, დონეცკი და ლუგანსკი აღიარებულია დე ფაქტო რუსეთის ტერიტორიებად;

➖ ხერსონი და ზაპოროჟიე „გაყინულია“ შეხების ხაზის გასწვრივ;

➖ ტერიტორიის ნაწილი ხდება დე ფაქტო რუსეთის კონტროლის ქვეშ დემილიტარიზებულ ბუფერულ ზონად;

➖ ორივე მხარე იღებს ვალდებულებას, რომ არ შეცვლის საზღვრებს ძალის გამოყენებით;

3.სამხედრო შეთანხმებები

➖ ნატო უკრაინაში ჯარებს არ აგზავნის;

➖ ნატოს გამანადგურებლები პოლონეთშია განლაგებული;

➖ აშშ-ნატო-რუსეთის უსაფრთხოების დიალოგი, აშშ-რუსეთის სამუშაო ჯგუფის შექმნა;

➖ რუსეთი იურიდიულად აფიქსირებს თავის არააგრესიულ პოლიტიკას უკრაინისა და ევროპის წინააღმდეგ.

4. ეკონომიკური ბლოკი და უკრაინის რეკონსტრუქცია

➖ აშშ და ევროპა უკრაინის რეკონსტრუქციისთვის მსხვილ საინვესტიციო პაკეტს იწყებენ;

➖ უკრაინის რეკონსტრუქციისთვის გამოყენებული იქნება 100 მილიარდი დოლარის ოდენობის გაყინული რუსული აქტივები; აშშ შემოსავლის 50%-ს იღებს;

➖ ევროპა კიდევ 100 მილიარდს ამატებს;

➖ სხვა გაყინული რუსული აქტივები აშშ-რუსეთის ერთობლივ პროექტებზე მოხმარდება;

➖ უკრაინის განვითარების ფონდის შექმნა, ინფრასტრუქტურაში, რესურსებსა და ტექნოლოგიებში ინვესტიციები.

5. რუსეთი გლობალურ სისტემაში

➖ სანქციების თანდათანობითი მოხსნა;

➖ რუსეთის დაბრუნება დიდ რვიანში;

➖ აშშ-რუსეთის გრძელვადიანი ეკონომიკური თანამშრომლობა.

6. ჰუმანიტარული საკითხები

➖ ყველაფერი ყველასთვის გაცვლა, მშვიდობიანი მოსახლეობისა და ბავშვების დაბრუნება;

➖ ჰუმანიტარული პროგრამები, ოჯახების გაერთიანება;

➖ საგანმანათლებლო პროგრამები ტოლერანტობის შესახებ;

➖ „ნაცისტური იდეოლოგიის“ უარყოფა.

7. ენერგეტიკა და სპეციალური ობიექტები

➖ ზაპოროჟიეს ატომური ელექტროსადგურის გაშვება IAEA-ის ზედამხედველობის ქვეშაა; ელექტროენერგია უკრაინასა და რუსეთს შორის 50/50-ზე იყოფა;

➖ აშშ ეხმარება უკრაინის გაზის ინფრასტრუქტურის აღდგენას.

8. შიდა პოლიტიკური პროცესები უკრაინაში

➖ არჩევნები შეთანხმების ხელმოწერიდან 100 დღის შემდეგ;

➖ სრული ამნისტია ყველა ომის ვეტერანისთვის.

9. განხორციელება და მონიტორინგი

➖ შეთანხმება იურიდიულად სავალდებულოა;

➖ მონიტორინგს ახორციელებს „მშვიდობის საბჭო“ დონალდ ტრამპის ხელმძღვანელობით;

➖ დარღვევები - სანქციები;

➖ ხელმოწერის შემდეგ დაუყოვნებლივი ცეცხლის შეწყვეტა და შეთანხმებულ პოზიციებზე დაბრუნება.