თურქეთის მალათიის პროვინციაში სამხედრო ვერტმფრენი ჩამოვარდა, - აღნიშნულის შესახებ ინფორმაციას თურქეთის თავდაცვის სამინისტრო ავრცელებს. 

თურქეთის თავდაცვის სამინისტროს ცნობით, ბორტზე მყოფი ოთხივე სამხედრო მოსამსახურე დაიღუპა. 

სამინისტრომ აღნიშნა, რომ S-70 ვერტმფრენის ჩამოვარდნის ზუსტი მიზეზი ამ ეტაპზე უცნობია.

„მალათიაში ჩვენი S-70 ვერტმფრენის კატასტროფის შედეგად, რომლის მიზეზიც ჯერ კიდევ უცნობია, ვერტმფრენში მყოფი ოთხი გმირი თანამებრძოლი დაიღუპა. ვლოცულობთ, რომ ღმერთმა შეიწყალოს ჩვენი მოწამეები. ვუსამძიმრებთ და ვლოცულობთ მათი მგლოვიარე ოჯახების და თურქეთის შეიარაღებული ძალებისთვის. ვლოცულობთ, ღმერთმა ჩვენი კეთილშობილი ერი გააძლიეროს“, - ნათქვამია გავრცელებულ განცხადებაში.

შემთხვევის ადგილზე მობილიზებულია სამაშველო, სასწრაფო დახმარებისა და სახანძრო ჯგუფები, ხოლო მომხდართან დაკავშირებით დაწყებულია ოფიციალური გამოძიება.

S-70 tipi helikopterimizin henüz belirlenemeyen bir sebeple Malatya’da kaza kırıma uğraması sonucu, helikopterde bulunan 4 kahraman silah arkadaşımız şehit olmuştur. Şehitlerimize Allah’tan rahmet, kederli ailelerine, Türk Silahlı Kuvvetleri’mize ve asil milletimize başsağlığı ve sabırlar dileriz. #MillîSavunmaBakanlığı

— T.C. Millî Savunma Bakanlığı (@tcsavunma) November 12, 2026