1756584315
უცხოეთი
ტრამპმა ზელენსკი და პუტინი ბავშვებს შეადარა, რომლებსაც ერთმანეთი სძულთ და სათამაშო მოედანზე ჩხუბობენ
აშშ-ის პრეზიდენტმა დონალდ ტრამპმა რუსეთისა და უკრაინის პრეზიდენტები ბავშვებს შეადარა, რომლებსაც ერთმანეთი სძულთ და სათამაშო მოედანზე ჩხუბობენ.
„ანალოგიას ვიყენებ. რამდენიმეჯერ გამოვიყენე. ბავშვი გყავთ, სათამაშო მოედანზე კიდევ ერთი სხვა ბავშვია, მათ ერთმანეთი ეზიზღებათ და იწყებენ მუშტების ქნევას, გინდა, რომ გაჩერდნენ და ისინი აგრძელებენ.
ცოტა ხნის შემდეგ მათ ძალიან უხარიათ გაჩერება. გესმით ეს? თითქმის ასეა. ხანდახან ცოტა ხანი უნდა იჩხუბონ, სანამ მათ გაჩერებას შეძლებ, მაგრამ ეს უკვე დიდი ხანია გრძელდება. ბევრი ხალხი დაიღუპა“, - განაცხადა ტრამპმა.
