აშშ-ის პრეზიდენტმა დონალდ ტრამპმა აშშ-ის დაზვერვის სამსახურისგან არაერთი მოხსენება მიიღო, რომლებიც მიუთითებს, რომ ისლამურ რესპუბლიკაში რეჟიმის გავლენა სუსტდება, იუწყება The Times of Israel-ი გამოცემა New York Times-ზე დაყრდნობით.

როგორც ანგარიშშია ნათქვამი, დაზვერვის მონაცემები მიუთითებს, რომ „ირანის მთავრობის ხელისუფლებაში ყოფნა ყველაზე სუსტ წერტილშია მას შემდეგ, რაც შაჰი 1979 წლის რევოლუციის დროს დაამხეს“.

ანგარიში იმ დროს გამოქვეყნდა, როდესაც ტრამპი ირანის წინააღმდეგ ძალის გამოყენებაზე ფიქრობს მას შემდეგ, რაც რეჟიმმა სასტიკად ჩაახშო საპროტესტო აქციები, რამაც ათასობით ადამიანის სიცოცხლე შეიწირა.

ავიამზიდი „აბრაამ ლინკოლნი“ და თანმხლები სამხედრო გემები რეგიონისკენ მიემართებიან აშშ-ის მიერ გაგზავნილ დამატებით ძალებთან ერთად.

მიუხედავად იმისა, რომ გაურკვეველია, რას გადაწყვეტს ტრამპი, ზოგიერთი მრჩეველი მას მოქმედებისკენ მოუწოდებს.

„მიზანი რეჟიმის დასრულებაა“, - განუცხადა Times-ს ამერიკელმა რესპუბლიკელმა სენატორმა ლინდსი გრეჰემმა, ტრამპის ახლო მოკავშირემ.

X-ზე გამოქვეყნებულ ცალკე პოსტში გრეჰემი ამბობს: „ისტორია გვეუბნება, რომ სწორი გადაწყვეტილებაა, გვერდში დავუდგეთ მათ, ვინც ამერიკის მხარეს დგას და ჩვენი საერთო საქმისთვის მსხვერპლს სწირავს. ისტორია ასევე გვეუბნება, რომ ბოროტებას არ უნდა შევეგუოთ - ის უნდა დავამარცხოთ“.

I pray for President Trump and his team to make the right decisions to keep America safe at this dangerous time.

History tells us the right decision is to stand by those who stand with America and sacrifice for our common cause. History also tells us that evil cannot be…

— Lindsey Graham (@LindseyGrahamSC) January 26, 2026