1776449111
უცხოეთი
ტრამპი ირანის გამდიდრებულ ურანზე: შევალთ ირანთან ერთად და მშვიდი ტემპით დავიწყებთ გათხრებს დიდი ტექნიკით
თეთრი სახლის ლიდერი დონალდ ტრამპი აცხადებს, რომ შეერთებული შტატები ირანთან იმუშავებს, რათა მისი გამდიდრებული ურანი აშშ-ში დააბრუნოს.
დონალდ ტრამპმა Reuters-თან სატელეფონო ინტერვიუში განაცხადა, რომ აღნიშნულ საკითხს შეერთებული შტატები მოაგვარებს.
„ჩვენ ამას მოვაგვარებთ. შევალთ ირანთან ერთად, სასიამოვნო, მშვიდი ტემპით, ჩავალთ და დავიწყებთ გათხრებს დიდი ტექნიკით. ჩვენ მას შეერთებულ შტატებში დავაბრუნებთ“, - აღნიშნა ტრამპმა.
ამასთან, ტრამპის თქმით, ირანთან შეთანხმება ძალიან სწრაფად იქნება მიღწეული.
„ვფიქრობ, შეთანხმება ძალიან სწრაფად მიიღწევა. ირანთან ძალიან კარგად ვურთიერთობთ“, - აცხადებს ტრამპი.
