1777627630
უცხოეთი
ტრამპი: ირანის ეკონომიკა იშლება, ბლოკადას წარმოუდგენელი ეფექტი აქვს, ვნახოთ, რამდენ ხანს გაძლებენ
აშშ-ის პრეზიდენტმა დონალდ ტრამპმა განაცხადა, რომ ის კვლავ მხარს უჭერს ირანის პორტების საზღვაო ბლოკადას.
ტრამპის ეს განცხადება ნავთობის გლობალური ფასების სწრაფი ზრდის ფონზე გაკეთდა. ამასთან, აშშ-ში ბენზინის საშუალო ფასმა ახალ მაქსიმუმს მიაღწია.
„მათი [ირანის] ეკონომიკა იშლება, ბლოკადას წარმოუდგენელი ეფექტი აქვს. მათი ეკონომიკა კატასტროფაა. ასე რომ, ვნახოთ, რამდენ ხანს გაძლებენ“, - აღნიშნა ტრამპმა.
ამავდროულად, მისი თქმით, ბენზინის ფასებთან დაკავშირებული სიტუაცია ომის დასრულების შემდეგ დასტაბილურდება.
„ბენზინის ფასები დაეცემა. როგორც კი ომი დასრულდება, ისინი ქვასავით დაეცემა“, - დასძინა აშშ-ის პრეზიდენტმა.
