ტრამპი აცხადებს, რომ საშობაო არდადეგების მიუხედავად, უკრაინის, რუსეთისა და ჩინეთის საკითხებს უნდა დაუბრუნდეს
აშშ-ის პრეზიდენტმა დონალდ ტრამპმა განაცხადა, რომ ის უკრაინასთან, რუსეთთან და ჩინეთთან დაკავშირებულ საკითხებზე აქტიურ მუშაობას დაუბრუნდება.
მისი თქმით, ასეთ საკითხებს პრიორიტეტი უნდა მიენიჭოს.
ცნობილია, რომ 24 დეკემბრის საღამოს ამერიკულმა მედიამ პრეზიდენტის დღის განრიგი გამოაქვეყნა. ტრამპმა დილა გოლფის თამაშს დაუთმო, საღამოს კი ბავშვებს ტელეფონით ესაუბრა და სანტა კლაუსის მსოფლიოს გარშემო მოგზაურობაზე ისაუბრა.
ამერიკელმა ლიდერმა ხაზგასმით აღნიშნა, რომ მას ბავშვებთან გაცილებით დიდხანს საუბარი სურს, მაგრამ სახელმწიფო საქმეები აიძულებს მას, ყურადღება უფრო სერიოზულ თემებს მიაქციოს.
„შეგვიძლია მთელი დღე ვისაუბროთ ამაზე. თუმცა, უნდა დავუბრუნდეთ ჩინეთს, რუსეთს, უკრაინას. სხვა საკითხებსაც უნდა დავუბრუნდეთ“, - აღნიშნა აშშ-ის პრეზიდენტმა.
ამერიკელი ლიდერის თქმით, მან ამ ქვეყნებთან დაკავშირებული მნიშვნელოვანი საკითხები უნდა გადაჭრას.
