აშშ-ის პრეზიდენტმა დონალდ ტრამპმა გააკრიტიკა დიდი ბრიტანეთის პრემიერ-მინისტრი კირ სტარმერი იმის გამო, რომ ირანის წინააღმდეგ ოპერაციის დასაწყისში ამერიკულ სამხედრო თვითმფრინავებს თეირანზე დარტყმებისთვის დიდი ბრიტანეთის ბაზების გამოყენების ნებართვა არ მისცა და განაცხადა: „ეს არ არის უინსტონ ჩერჩილი, რომელთანაც საქმე გვაქვს“.

ტრამპის თქმით, შეერთებულ შტატებსა და ბრიტანეთს შორის ისტორიული ურთიერთობა „ისეთი აღარ არის, როგორიც ადრე იყო“.

„დიდი ბრიტანეთი ძალიან, ძალიან არ თანამშრომლობდა“, - განაცხადა მან თეთრ სახლში გერმანიის კანცლერ ფრიდრიხ მერცთან შეხვედრაზე. 

„დიდი ბრიტანეთით კმაყოფილი არ ვარ. სამი, ოთხი დღე დაგვჭირდა იმის გასარკვევად, თუ სად შეგვეძლო დაშვება“, - განაგრძო მან.

სტარმერმა, რომელმაც განაცხადა, რომ მის მთავრობას „არ სჯერა რეჟიმის ციდან შეცვლის“, თავდაპირველად უარი თქვა ირანთან აშშ-ის ომში რაიმე ფორმით მონაწილეობაზე. თუმცა მოგვიანებით იგი დათანხმდა აშშ-ს მოთხოვნას, გამოეყენებინა ორი ბრიტანული სამხედრო ბაზა „კონკრეტული და შეზღუდული თავდაცვითი მიზნებისთვის“.