თეთრ სახლში აცხადებენ, რომ არის „რამდენიმე დელიკატური, მაგრამ არა გადაულახავი“ დეტალი, რაც უკრაინას, რუსეთსა და აშშ-ს შორის შემდგომ მოლაპარაკებებს მოითხოვს
თეთრი სახლის პრესსპიკერი ქეროლაინ ლევიტი აცხადებს, რომ შეერთებულმა შტატებმა სამშვიდობო შეთანხმების გზაზე რუსეთისა და უკრაინის მოლაპარაკების მაგიდასთან მიყვანით უზარმაზარ პროგრესს მიაღწია.
„ბოლო კვირის განმავლობაში შეერთებულმა შტატებმა სამშვიდობო შეთანხმებისკენ გზაზე უზარმაზარ პროგრესს მიაღწია უკრაინისა და რუსეთის მოლაპარაკების მაგიდასთან მიყვანით.
არის რამდენიმე დელიკატური, მაგრამ არა გადაულახავი დეტალი, რომელიც მოსაგვარებელია და შემდგომ საუბრებს მოითხოვს უკრაინას, რუსეთსა და შეერთებულ შტატებს შორის”, - აცხადებს ქეროლაინ ლევიტი.
Over the past week, the United States has made tremendous progress towards a peace deal by bringing both Ukraine and Russia to the table.
— Karoline Leavitt (@PressSec) November 25, 2025
There are a few delicate, but not insurmountable, details that must be sorted out and will require further talks between Ukraine, Russia,…
ინფორმაციისთვის, ტელეკომპანია CBS News-ი ამერიკელ მაღალჩინოსანზე დაყრდნობით იუწყება, რომ უკრაინის მთავრობა აშშ-ის მიერ შეთავაზებულ სამშვიდობო გეგმას დათანხმდა.
