1712121116
უცხოეთი
ტაივანში 7.4 მაგნიტუდის მიწისძვრა მოხდა - გამოცხადებულია ცუნამის საფრთხე
ტაივანში ბოლო 25 წლის განმავლობაში ყველაზე ძლიერი, 7.4 მაგნიტუდის მიწისძვრა მოხდა. როგორც CNN ქვეყნის სამაშველო სამსახურზე დაყრდნობით წერს, სტიქიას 4 ადამიანი ემსხვერპლა. არსებული ცნობით, ყველა მათგანი ჰუალიენის ოლქში, მიწისძვრის ეპიცენტრის სიახლოვეს დაიღუპა. ხოლო დაშავებულთა რაოდენობა 57-ს აღწევს.
ჩინური მედიის ინფორმაციით, მიწისქვეშა ბიძგები ჩინეთის სამხრეთ-აღმოსავლეთ ფუძიანის პროვინციის ნაწილებშიც იგრძნობოდა.
ხოლო როგორც იაპონიის მეტეოროლოგიურ სააგენტოში აცხადებენ, იაპონიის სამხრეთ-დასავლეთ სანაპიროს ტერიტორიებზე 3 მეტრამდე ტალღების ცუნამია მოსალოდნელი.
მოსალოდნელი ცუნამის შესახებ მოსახლეობა გააფრთხილა ფილიპინების სეისმოლოგიურმა სააგენტომაც.
