სტარმერი: ბრიტანული თვითმფრინავები ახლო აღმოსავლეთის ცაში დაფრინავენ
დიდი ბრიტანეთის პრემიერ-მინისტრმა კირ სტარმერმა განაცხადა, რომ ბრიტანული თვითმფრინავები ახლო აღმოსავლეთის ცაში დაფრინავენ, რათა მონაწილეობა მიიღონ კოორდინირებულ თავდაცვით ძალისხმევაში და დაიცვან ქვეყნის ინტერესები და მოკავშირეები.
ტელევიზიით გადაცემულ მიმართვაში სტარმერმა ხაზგასმით აღნიშნა, რომ დიდ ბრიტანეთს „არანაირი როლი არ უთამაშია“ ირანზე აშშ-ისრაელის ერთობლივი დარტყმების განხორციელებაში, თუმცა დასძინა, რომ მისი ქვეყნის ძალები რეგიონში აქტიურები იყვნენ.
„ბრიტანული თვითმფრინავები დღეს ცაში არიან, როგორც კოორდინირებული რეგიონული თავდაცვითი ოპერაციების ნაწილი, რათა დავიცვათ ჩვენი ხალხი, ჩვენი ინტერესები და ჩვენი მოკავშირეები“, - განაცხადა სტარმერმა.
მან მოუწოდა ირანს, თავი შეიკავოს ახლო აღმოსავლეთში შემდგომი დარტყმებისგან, უარი თქვას შეიარაღების პროგრამაზე და შეწყვიტოს „ირანელი ხალხის წინააღმდეგ საშინელი ძალადობა და რეპრესიები“.
