1787690622
უცხოეთი
სლოვაკეთში დრონების მწარმოებელ ქარხანაზე დაგეგმილი თავდასხმა აღკვეთეს - დაკავებულია სამი ადამიანი
„სლოვაკეთის პოლიციამ აღმოსავლეთ სლოვაკეთში დრონების მწარმოებელი ქარხნისთვის ცეცხლის წაკიდების დაგეგმილი თავდასხმა აღკვეთა. საქმეზე სამი ადამიანი დააკავეს“, - ამის შესახებ Euronews-ი წერს.
სამართალდამცველების ინფორმაციით, ორი ეჭვმიტანილი სლოვაკეთში დააკავეს, მესამე კი გერმანიაში დააკავეს ევროპული დაკავების ორდერის საფუძველზე. არცერთი დაკავებული სლოვაკეთის მოქალაქე არ არის.
გამოცემის ცნობით, ისინი თავდასხმის მომზადებაში თანამზრახველების სახით მონაწილეობდნენ. პოლიციამ დაკავებულებისგან დიდი რაოდენობით აალებადი ნარევი, ხელსაწყოები, მობილური ტელეფონები, სამოქმედო კამერა და ხელით დახატული გეგმა ამოიღო.
პოლიციას ამ დრომდე არ გაუსაჯაროებია დრონების მწარმოებელი კომპანიის კონკრეტული დასახელება.
