სხვადასხვა ქვეყნის ავიაკომპანიები ახლო აღმოსავლეთში რეისებს აუქმებენ
ისრაელისა და აშშ-ის მიერ ირანის წინააღმდეგ დაწყებული სამხედრო კამპანიის ფონზე მრავალი ქვეყნის ავიაკომპანიამ ახლო აღმოსავლეთში ფრენები გააუქმა. ასე, მაგალითად, Lufthansa-მ გააუქმა ავიარეისები თელ-ავივში, თეირანში, ომანში, ბეირუთში, ამანში და ერბილში. ამის შესახებ Deutche Welle იუწყება.
Wizz Air-მა 7 მარტამდე ფრენები შეაჩერა ისრაელში, დუბაიში, აბუ-დაბიში და ამანში. ასევე ფრენები გააუქმეს Air France-მა, ესპანურმა Iberia-მ, ნიდერლანდულმა KLM-მა და Turkish Airlines-მა, ასევე პოლონურმა LOT-მა.
საავიაციო რეისები ირანსა და ისრაელში რუსულმა ავიაკომპანიებმაც შეაჩერეს „ამ ქვეყნების საჰაერო სივრცის დახურვის გამო“.
ცნობისთვის, 28 თებერვალს ისრაელის და აშშ-ის ავიაციამ ირანი დაბომბა, ირანმა საპასუხოდ ისრაელისა და ახლო აღმოსავლეთის სხვა ქვეყნების მიმართულებით ათობით რაკეტა გაუშვა.
